有無Interior Designer / 讀室內設計的同學

小弟我有好幾個問題想問各前輩,
希望大家有心人可以花多少少時間去睇睇,
大家都試過旁惶無助的時候,
希望您可以俾小小提議小弟, 幫我一把! 謝謝!
　
小弟我想搵part time interior design course讀,
但市面上太多選擇, 而且網上資訊都幾亂, 所以想有經驗的人仕可以解答一下我
　
先講講我背景資料, 小弟二十一歲,
上年九月中七畢業, 中英合格, 但係無再讀書,
一來,成績唔夠上大學;
二來,唔知自己想讀咩,唔想繼續浪費時間去讀文理商科(亦可以話無目標?...);
三來,想見識下現實社會
　
現時於一間則樓做clerk, 做左三個月多
由於公司有室內設計的department,
所以開始對interior design有少少興趣
但又唔知自己係唔係interior design的人才,
因此打算報part time interior design course小試牛刀
我暫時mark 左香港設計學院的一年制part time Diploma, 打算報
Q1) 但其實我咁o既心態會唔會反而浪費時間?
　
之後上網搵part time course資料就遇上問題,
college太多, 有香港設計學院、大一、正形、藝術學院,
但我再每間college睇, 其實佢地收生要求都好低,
中五, 甚至中三都可以去讀?
咁其實香港設計學院、大一、正形、藝術學院,四間college之中,
以教師教學質素, 學生學習風氣, 課程在市場上的實用性為標準低下
Q2) 邊間比較好?
Q3) 市場認受性 及 認可性又如何?
Q5) 這四間以外, 重有邊間值得介紹?
　
而ive都有part time/full time Hi-Dip, 但係一讀就要4年,
但係如果有"相關設計認可的文憑"加上"現職於有關設計行業"就可以直上year 4
Q6) 其實, 以上四間college算唔算係"相關設計認可的文憑"呢?
因為我打算讀左一年part time Dip, 之後直上ive year 4,
Q7) 其實可唔可行呢?
　
其實我比較之下, 覺得明愛白英奇有一個兩年制full time Hi-Dip比較好,
一來, 我中七, 我會prefer Hi-Dip 好過 Dip... ;
二來, 白英奇教學質素, 口碑都係幾好,
但係我打去問, 原來要interview交5個portfolio...
試問我又點會有portfolio?... /_\
Q8) 如果我自己自學, 手畫一d interior drawings, 其實得唔得?
Q9) 白英奇又係唔係真係咁好呢?
　
最後一個件事令我困擾,
就係市面上對「室內設計師」的需求問題,
我上網睇, 見有人話讀inte無前景, 除非你想做裝修佬.... =口=?!...
而且我上勞工處網頁睇, 其實個市場又真係無咩人請inte designer喎!...
Q10) 其實實際上又係點一回事?
　
總結我搜集的資料,
我有五條路選擇
一) 邊做野, 邊去香港設計學院讀個1 year part time Diploma讀
二) 邊做野, 再自學畫五張portfolio, 8月去in 白英奇
三) 邊做野, 邊讀香港設計學院, 邊畫五張portfolio, 8月去in 白英奇
四) 暫時繼續做野, 到8月, 去報ive 個 4 years Hi-Diploma
五) 去考警察... (做第二份工...-_-")
　
其實如果我成功上到白英奇,
我最終係希望可以去Poly讀個A&D Degree,
但係我首先要選擇好第一步...
　
我二十一歲人, 唔可以再浪費時間嫁喇,
好多舊同學仔都已經讀緊 Degree,
好希望各前輩可以提點一下小弟! 萬分多謝!

[ps: Here is my msn: [email protected]
大家可以add我, 交流下嘛? 謝謝!]