點解踢草場，個波好似幾斤重，完全踢唔起!

兩個主要原因:

1. 錯覺

因為石地場都較真草及仿真草場細，感覺上細場大脚好易過半場，一旦踼大場，便好似踼極都唔到。球場大令你感到有心無力。

2. 技術及脚力未到家

除非你踼慣4號波，否則你在石地場及大場踼的足球(5號波)在重量上應冇顯著分別，就算係4號波其實同5號波都只差2安士。你踼唔起係因為著平底boot (indoor boots)同著真草boot在技巧上有些不同。真草boot有鞋釘，要斬起個波要食正脚背面或炒波底chok篩才可踼高個波，而平底boot就算係篤波底都可以炒高過波，真草boot有鞋釘唔可以篤波底，只可以chip起個波。你要改下你踼波嘅姿勢，更唔好心理作用怕磨姜，大大力用正脚背面食正個波嘅中間較下位置，身體微微昂後，加埋踼波隻脚要 follow through (唔好踼完個波就收脚)，便可炒高個波到好遠。當然脚力都要練，蛙跳同無影櫈都是可增加脚力的輔助運動。




2009-02-17 16:54:22 補充：
『踢石地時係食得正個波，但踢草地時就感到係鞋頭到波先。』

因為你心理作用怕磨姜。練多啲就得。另外，boot唔好買大，啱啱好有一隻手指位為之good fit，boot太大也會鞋頭踢到波先！！

其實回答者： Icarus ( 知識長 ) 個答案已經好清楚，不過仲有少少補充：

草場 / 仿真草濕度係比石地高好多，如果樓主踢o既係膠波的話，膠波就會濕左水氣而變重左 (亦都可以解釋到點解膠波踢完一次草場後會"濕立立")。

個人認為是你踢波的姿勢不正確的原因
仿真草其實同石屎場唔係差太遠，真草先係另外一個世界
仲有你對ｂｏｏｔ有無釘架？無釘、有高釘、有矮釘的效果都係唔同
另外你以前踢慣左石屎場，石屎場多數係得２個籃球場咁細，所以有可能你唔習慣去大場