想買旅行箱,邊個牌子好d同埋俾d意見呀唔該~

我有兩個都用咗好幾年，Silver Integral & Topas。我覺得應該唔怕俾人偷，因為只要寄過一次倉都會花晒，有時仲凹埋，無人會為咗個好花的鋁箱而偷你掛。我去過埃及呢D山卡拉地方都無事，如果去日本呢D先進國家更加唔洗驚，好多日本人用的仲新仲靚。用ZERO箱俾人偷的機會應該高D，因為照秤去賣都值番D錢。


香港有維修中心，所以維修都好快搞掂，好方便。我一隻用咗超過十年，另一隻用咗七年，只係其中一隻維修過一次，係嗰轆俾人掟爛咗。(不過我平均一年只係外遊四至五次。)


Samsonite我好耐以前都有用過，但係我無用過RIMOWA的膠箱，好難給你意見。我有個朋友無用過Aluminium系列，只是用Polycarbonate的，都話好正，講到我都想買番一個，話晒平一截。


我只可以好肯定咁話你聽，你用過RIMOWA之後係返唔到轉頭。而我亦都相信呢幾年，我用RIMOWA所省下來的行李超重費夠我買多一個。


買旅行箱甚至每次帶旅行箱出去，真係要視乎你的需要而定：

-如果我預計我嗰次會買到啲重嘢(例如：書)，一定帶RIMOWA去。仲會帶晒兩隻。

-如果會買好多衫同雜物，我會帶少一個RIMOWA，而多帶一個布喼去，因為要旅行箱耐用，千其唔好夾硬塞爆個喼。

8000 一隻喼 ?? 旅行喼係買黎比人掟的. 用 8000 蚊比人掟, 我寧願用埋黎旅行, 玩多一星期好過...
旅行喼可以分開幾款
平價... 可以到女人街或廟街等地方睇睇. 約 200 蚊便有一隻超大的旅行喼. 但質素的確是差一點的. 拉鍊位置亦不太可靠...
中價... 可以到日式百貨公司睇睇, 有 d 牌子如 Santa Barbara, Pierre Cardin 等都唔會太貴. 大約 500 - 600 蚊一個 25 吋左右的喼. 可四周轉動, 布質較好, 拉鍊位也比較可靠. 部份更有 3 - 5 年的保養.
貴價... 可以考慮 Samsonite, Delsey 等名牌子. 價錢最少 1000 起步, 大多是 1600 - 2000 蚊. 質素好, 但也貴... 如果一般旅行, 又沒需要買這麼貴的, 反正一年可能只用數次. 除非你因工作需要, 常常出差, 那就另作別論...
超貴價... Rimowa, LV 等.. 浪費金錢而已
至於軟定硬, 就睇返你自己有咩需要. 如果你想型, 想 in 既, 咁你一定唔會買軟喼. 細細個的硬喼普遍來說都比較好睇. 但如果你購買了很多東西, 硬喼就可能會裝唔晒, 因為硬喼的體積不能改變, 係咁大, 就咁大了. 而且硬喼重量重, 一個喼已經成 6 - 7 kg, 變相行李裝少好多. 何況全個金屬喼, 一來重, 二來比人掟凹左就超無謂.
如果你需要帶好多野既, 或買好多野, 軟喼就會好 D. 現時一般軟喼都係防水物料, 不用擔心這問題. 軟喼因為是布質, 可以撐大一點. 如果你識執喼, 同一 SIZE 的軟喼可裝多最少 20% 的東西. 但相對硬喼, 軟喼個樣會冇咁好睇.
另外不論軟硬, 買喼最緊要睇下隻喼是否實淨. 例如拉鍊位是否夠加, 扣位是否過薄, 喼的轆是否實淨, 線口, 駁口等等會否客易鬆開. 關好喼後有否空隙. 這些最為重要. 還有, 喼是否可以四面推動, 有沒有伸縮把手等等, 你也需要考慮
最後買邊一類型, 你可以慢慢考慮... 而我又一定唔會浪費 8000 蚊比人掟...

我地係專門訂做/出售日本復古行李箱, 有興趣歡迎參觀以下呢個blog睇圖片:
http://hk.myblog.yahoo.com/bbbu88
(我有幾個客人都係化妝師, 佢地都訂黎出job用, 夠靚同搶眼)