一般數碼相機與DSLR 鏡頭的焦距分別是?

1)其實單純講鏡頭焦距,一般數碼相機跟DSLR是一樣的.90mm就係90mm.但係由於佢地既感光完件呎吋好大分別.DSLR分分鐘係一般數碼相機既十倍大.同一個焦距鏡頭,放塊大啲既感光完件埋去睇既嘢自然多好多.
一般DSLR,如果唔係貴價既全片幅機的話,都會有所謂焦距增長問題,說穿了不過是因為感光完件細咗,影像外圍被裁走,而做成用了較長焦距鏡頭的錯覺.DSLR來講由1.3倍到2倍都有.一般數碼相機就會去到五,六倍都唔出奇.所以一般數碼相機如果實際焦距係90mm的話,等效焦距分分鐘去到500mm以上.
要計就要視乎感光完件有多大,不過一般數碼相機除咗實際焦距外,通常都會標示埋等效焦距,所以都唔駛自己計.
2)鏡頭的變焦倍數計法係將最長焦距除最短焦距.以18-270mm為例,270/18 = 15,所以變焦倍數就係15倍.至於28-419mm就係之前講既等效焦距.呢支鏡係APS-C專用鏡,用在大片幅相機會有黑角或甚至不能接上的問題.而呢支鏡只係出咗Canon同Nikon兩種接環,Canon焦距增長係1.6而Nikon係1.5.所以Tamron攞咗個中間數計俾你睇.
至於焦距縮水呢個情況係高倍變焦鏡會比較明顯.其實焦距係足300mm的.不過如果要同定焦或者低倍變焦鏡影到一樣咁多景物就只限在對焦無限遠時,越對焦對得近焦距縮水問題越嚴重,這是高倍變焦鏡的特性,不是鏡頭缺憾亦跟牌子無關.
3)其實幾多倍變焦呢種表示方法係好籠統的.雖然一般數碼相機多是由廣角焦距開始,唔會出現100-1000mm嗰種10倍變焦既情況.但25-250mm係10倍變焦.38-380mm又係10倍變焦.單單講幾多倍變焦跟本表示唔到部機的廣角及遠攝能力.
D90的話,建議等效焦距有28mm或更廣,即係實際焦距18-19mm,最接近的10倍變焦鏡頭可以考慮原廠Nikon AF-S 18-200mm f3.5-5.6 VR II.約$5000,呢支算係呢個變焦倍數中最好的.
4)標準,中距或者遠攝係講鏡頭焦距.不過其實係冇一定數值的.只係一個大約分類.
標準變焦鏡頭通常就係18-70mm左右的變焦鏡頭.
標準至中距通常係指一啲50-85mm的定焦鏡頭.
遠攝變焦鏡頭通常係指遠攝焦距有200mm或以上的鏡頭.
遠攝鏡頭通常係指一啲焦距100mm至300mm既定焦鏡頭.超遠攝就多是指300mm以上的定焦鏡頭.
5)Macro係指微距鏡.每支鏡頭都有一個最近對焦距離,到達呢個距離之後你發覺物件唔夠大想再隊埋啲係唔得的,會對唔到焦.一支普通200mm鏡頭最近對焦距離可能有成五,六呎.但200mm macro鏡頭的最近對焦距離則只有呎幾.所以可以把物件放得比較大.如果你睇翻規格,macro鏡頭的放大率多是1:1.普通鏡頭只會係1:5或者更細.