註冊護士上班時間﹖

基本上分早（A）中（P）夜（N）三更
唔同醫院唔同部門既時間會有D出入
有D係行3-8制有D係五天工作
有D就係A更P更都係7個半鐘
N間要10個鐘
一個星期一日假既輪班制度

所以呢行可以斷六親
因為人地收工放假永遠都約唔到你出黎
萬一好彩約到你既都可能係你番完工或者番完夜
包括你既男女朋友同屋企人

有D部門講到明唔比請假只准調更
星期六日有咩活動要去要玩
就睇你好唔好彩調唔週到更
調唔到就係咁先
所以D門診做診所既係好多姑娘既終極夢想黎

你講既野只係佔左護士工作既一個好基本既部份
我可以話你知護士更多時間係花響D無聊野上面

比如係上頭屎 忽痕諗到幾多就有幾多既文件工作
做咩野都要寫紙開FORM FAX比人
分分鐘轉介一個病人去睇專科要企度FAX 80頁病歷比人
有VIP黎又要好好服待寫成版紙咁長既排版
病房入面既壁報又關你事又要你整
D醫生有研究要收集數據又要幫手入幫手記

探病收症死人個陣
又要花大量時間心機去調解下班病人屋企人
萬一一個唔好彩忙得滯有咩做得唔妥當
服侍得D尊貴既家人唔週到人地鐘意玩投訴個陣
你唔收工唔食飯都要打晒份薯仔文比老闆照肺照足三個月

加上護士唔讀書冇職升
畢業冇幾耐既如果唔想一世都係RN
就番完工半條人命都要自己拎錢拎時間出黎讀MASTER
大佬十幾萬話拎就拎架拿
況且你個上頭拎住兩個MASTER都要做左十幾年先升
幾時輪到你

有姑娘要食藥訓覺要睇精神科都有
不過依家呢個世代人人都有壓力
依行最好就係永遠都唔夠人
至於人工只係用黎比你既壓力同受氣用黎買補品既啫
剩低幾千蚊先係用黎食飯交租用