✔ 最佳答案
根據僱傭條例,每個正式僱員都可以享有有薪病假既,而且可以累積到120日。所以佢冇番工之後既病假,又有醫生證明比公司既話,公司係必須要出番有薪病假既錢比佢既。不過有幾多日就要睇番佢係正式冇再番工之前放左幾多日喇 (有薪病假既人工係等於平時人工既五分之四既)
另外佢冇番咁多個月,都可以已經叫做離左職架喇。只係差在係叫做辭職定係被解僱架姐。呢樣野就要好睇當時人同僱主點講喇,不過照你所講,公司又冇出信話要炒佢,佢自己又冇要公司點做既話,一般都會係當個員工自動離職既
所以若果佢之前已經放左幾十日病假,咁佢公司係佢冇番工之後既兩個月都比左80%人工既話,咁就完全冇問題。但係若果之前冇放過假,咁公司就應該唔止要比兩個月既人工架喇
2009-02-19 08:59:29 補充:
若果佢做左2年幾,有薪病假都應該累積到120日。咁即係話由佢冇番工果日開始計,佢之後果120日係會有4/5既人工做疾病津貼既。
不過若果佢呢2年幾之黎都間唔中有請過下假,咁就照係呢120到減。即係放左10日就得番110日有薪病假
有薪病假係唔理你係私人病定因工受傷既病,只要你有醫生紙比到番公司同有足夠病假日數,咁都會有疾病津貼既
係佢呢個case當中,若果佢一直都有比醫生紙比公司,係全部都連住既,咁其實都唔可以話佢已經離職既,不過就有名冇實囉,亦即係相等於所謂既停薪留職
2009-02-19 08:59:34 補充:
但係若果佢d醫生紙都停左成個月冇比到公司 (即係最後比公司張醫生紙,放假日期距離而家都成個月,咁公司有權當佢已經自己離職,咁公司都唔需要比任何報償架喇
所以佢而家既問題在於佢放既有薪病假有幾多日,公司有冇比番足人工同埋佢有冇keep住比醫生紙番公司