我上年俾狗咬 未打齊針 依家好驚會有瘋狗症呀

係咁既,係我上年新年既時候 我係大陸俾狗咬
隻狗係我親戚養既
而且隻狗成日都放出街 又無打針
有一次 我摸摸下隻狗 佢咬我右手食指
咬左四五個窿 流左好多血
因為果日係假期 我親戚以為診所無開
所以無帶到我去打針 淨係幫我止血同查左啲血藥水
但因為我唔敢同爸爸講我被狗咬到 所以頭一兩日無講到
隻狗咬左我後兩日 突然死左
我親戚就驚會有事 所以幫我同左我爸爸講
我爸爸知道左之後 當日馬上帶左我打針
本身果個瘋狗症疫苗要打五枝既
但係我打左兩枝之後 因為要返學既關係
返左去香港 到到香港再無打過瘋狗症疫苗
所以我係未打齊針架!
依家我好驚會有瘋狗症呀 我應該點做呀?
仲有我被狗咬到果到 姐係隻食指
至從被狗咬到之後 就腫左同埋指甲有少少變左形
是正常的嗎?
如果我要再去醫院打的話要點講 要打幾多枝 同埋要用幾多錢呢?
十萬個唔該呀!