交友&溝通問題

我覺得自己對住d唔係好熟既人就唔多出聲..
要真係熟左好多先可以講好多野..
特別自從升左中學之後..
見到d搞得gag.比較名氣既男仔就唔知有咩講好..
我自己都唔知點解..

而家無論同女仔男仔..
講野之前都要諗清諗楚..
因為驚講錯野搞到人憎我就唔好啦..
有時又驚講左d無聊野..廢話..
心裡面就自動幫佢地分左標籤..
係班到出名搞gag.多野講.果d
就認住佢地唔同channel..
可能係認住自己冇佢地咁搞gag..
驚講左d無聊野.廢話就覺得我係d無聊人..
同佢地唔岩key所以唔會多理我..
所以又搞到少左出聲..

所以次次調左位隔離果個都會話我好悶..
冇野講...但我都唔想..我都多野講..
但我又唔知講咩好..
通常隔離果個又係男仔喎..
有時借d耳問佢功課..我問完就算..唔會多講幾句..
而且...隔離果個搞完gag我又笑完就算..
有陣時真係唔係好笑都咁係耳笑下...
因為我真係唔知點去回應佢..搞到隔離都幾冇癮..

我又唔係d搞gag既人..
就算得閒講下都係超唔好笑果d囉...
搞到我同人講野都有隔膜...
搞到我同人講野都淨係會講正正常常既人..
唔會多講幾句笑話......所以變到大家關係好平淡..
就算有陣時女仔都係架...都唔識點去回應人..

仲有..我係一個冇咩自信既人..
唔敢直望人地眼睛講野...
有陣時連fd都係咁...
我既fd都唔係好多架ja..
我驚佢地都覺得好悶...

而家坐我隔離果個直程當住佢全班同班主任講話我好悶..
想快d調位..我果下超傷囉............
佢而家多數都係轉去後面講野..
我就坐係到..有陣時唔想尷尬..就扮下野睇下書咁..
佢有陣時望住我講幾句野..我都唔敢望佢...
佢同我講野就搞到我好亂..都唔知點回應佢好..
因為我想比佢一個好既回應..可以比佢覺得我係傾得既..
唔係淨係笑..係呀..哦..或者係聽唔明既野..
但係我始終都講唔到.................................
唉~~~~~~~~~~~~~~都唔知點算好~~

唔單只學校..有陣時去跳舞..
都唔知點同佢地溝通...
我見佢地都打扮得好潮..
應該唔想同我呢d咁正經既人做fd掛..
但我都想同好多人做fd..
但又唔識點進一步行動..
又驚講錯野等等以上提及既野....

請幫我呀~~~~~~~~~~~