請問讀心理學與就任心理學家的問題

Q1. 有可能。城大心理學由08年開始增設面試 (interview)，所以有部份要睇你面試時的臨場表現。
若齋從AL成績睇，你預計CL&C有C，UE有E加上三科AL有D，機會是中等，要視乎你果年多唔多人揀呢科同佢地成績如何。若你UE加把勁升到D / C，機會會大幅度提升。

Q2. 讀城大沒有甚麼不好，只是在這個社會，很多公司請人時，第一眼當然會望下你咩大學出黎。老實講，我都係城大心理學出黎ge，有公司唔點睇。呢排倪震單野搞到城大咁出名，我都唔知好定唔好。不過呢... 城大總比樹仁好些少。
Q3. 香港心理學碩士正常黎講要讀兩年，總多課程逼在兩年內完成，我聽過來人講係辛苦的。
外國的心理學碩士課程，就我的professor所講，其實係睇你寫的論文。你若有出色的論文，一兩年就可以拎個證書走，但若你的論文唔多得，我聽過是有人十幾年都拎唔到證書的。PHD的尤甚了，聽講要公開present你的論文，有人反對又要再做過了。
Tution fee方面，每年大概要HKD八萬，連生活費應該都要十萬，呢個只係保守估計，唔同地文唔同大學又唔同。(資料來源自AllPsychologySchools)
P.S. 建議你AL後空閒時親自去升學機構查詢，外國升學有得多變數。
Q4. 通常唔會。
響香港做臨床心理學家根本唔需要拎牌，若有有香港心理學會 (HKPS)認可註冊當然較好，詳情你望下呢個網頁。

節錄自香港心理學會 網頁：
「香港目前尚未有法律約制力的註冊機構去監管認可的心理學專業資格或香港執業資格或香港執業資格。香港臨床心理學現時實行學會註冊制度。大多數香港公營機構(如社會福利署、醫院管理局)都要求應徵臨床心理學家職位者要符合香港心理學臨床心理學組會員資格。... 目前，參加香港心理學會臨床心理學組成為會員與及申請成為註冊臨床心理學家都不是強制性的。」

另外，只要你所讀的學校與下列條件吻合，就無問題了，所以你報讀前望清楚個課程內容。
要獲臨床心理學組認可之碩士或博士課程須要具備下列三個條件：
甲. 完滿修畢下列七項臨床心理學之主要課題：
1. 心理評估方法、數據詮釋、個案問題分析、處理方法
2. 兒童、青少年、成年及長者種種不同心理障礙之理論；
3. 多種心理治療模式之原理、實踐及研究；
4. 專業及組織事宜；
5. 科研策略；
6. 腦功能心理學；
7. 健康及社區心理學。
乙. 進行科學研究撰寫論文。科學研究須包括資料搜集、處理及分析。祇評述現存文獻之論文將不獲接納。
丙. 課程內須包括最少220天督導下之臨床實習。督導下之實習須包括以下三個主要服務範疇；
1. 成人服務、(成人精神科實習須佔可現比重)
2. 兒童及青少年服務、
3. 長期病患或殘障者之服務。

Q5. 要視乎你做邊隻心理學家。
響香港打工仔壓力越黎越大，心理質素與精神健康的重要性日益備受關注，所以呢行發展潛力頗大。
但我覺得香港社會上對呢份工種的需求不算太大。

希望幫到你^^ 若有任何有關心理學的疑問，歡迎msn/email找我~~ 請按入我的檔案資料。
P.S. 以上答案含個人意見，如有冒犯，請見諒~


參考資料：
－我的經驗與意見
－AllPsychologySchools
－香港心理學會