相機question

1) 快門速度 - 即相機快門(影相)的速度. 一般是1/2000秒 至 15秒不等. 時間越短, 越能夠影到越快既影像, 如開駛中既汽車, 但是需要相當足夠既光源. 相反, 時間越長, 可以影到好黑, 好暗既事物, 但係一定要用腳架, 否則影相好容易會模糊.

2) ISO(感光值) - 即是以前菲林所示既100,200,400. 環境越黑, 便要買感光值越高既菲林. 而家一般相機既感光值係 50-1600 之間. 不過要注意, 感光值越高, 張相就會越粗糙, 可能好似沙紙咁.

3) 光圈 - 鏡頭吸收光源既大小. 一般由 1.0 - 8.0. 數值越細, 光圈越大. 光圈大既意思是可以在較暗既地方也可以影到相. 另外, 光圈大亦代表越淺境深. 即是前面清楚, 後面背景模糊既相片.

4) 自動對焦 - 即是由相機自行決定對焦既距離. 例如, 在鏡頭前50cm放一個橙, 在100cm放一隻蕉, 在150cm放一個西瓜. 一般數碼單鏡相機係可以自行調教你想影邊樣野清淅, 邊樣野模糊. 而自動對焦即是只要將你想清淅既物件, 對準在鏡頭既中央, 該樣物件就會好清淅, 其他物件就會好模糊.

一個實例, 一張普通在日光下影既公園相. 大概數值為
快門 1/60秒; 光圈 4.0; ISO 100, 自動對焦.
另外, 快門與光圈值是相對既, 即係如果再影一張相係
快門 1/40秒; 光圈 5.0; ISO 100, 自動對焦. 出黎既相片應該係一樣既.

(全部個人經驗, 希望可以幫到你.)