你0既思想好清晰﹐好理智﹐亦都做0左個好0岩0既決定﹐相比黎講﹐已經好過好多同年紀的了。
唯一問題﹐只係唔識處理一D你無經驗0既野0者。 雖然呢樣0野真係好小事。
你有0既做法實在太多了。 其實唔好找藉口﹐因為一個F.1男仔﹐同樣係無感情經驗﹐你用呢種”暗示”方法﹐佢有好大可能係會收唔到0既﹗呢個年紀的男仔亦通常會覺得勇往直前先係真愛﹐無明確指引﹐係唔會停手0既﹐ 所以你個case, 結論係﹐一定要直接﹗
直接得黎又要得體﹖ 相信呢個會係你0既方向﹖
情況會有2個。
1) 佢仲有D理智﹐只有呢個情況先會相安無事。
可以完全唔聽佢電話﹐過一排佢自然會收到
配合埋平時唔好直接望佢﹐效果更佳
同上﹐只需要直接同佢講你上面的原因(感情無話一個人表態﹐另一個人就要接受0既﹐呢點佢應該清楚)﹐唔需要話唔識﹐就好似你某個同學想同你借0野一樣﹐你唔想借一樣野﹐自然就應該拒絕人。
有大哥/家姐﹐同佢感情又好﹐可以請大哥幫手﹐男同男點都易講D﹐只要大哥唔係衝動派﹐唔會出手打人就OK喇。 個人都係唔建議﹐你遲早都要學識點樣拒絕人﹐呢個係你學習0既機會﹐應該自己講。
2) 佢已經無咩理性可言﹐泥足深陷。 咁你都要知道﹐做得成朋友0既機會真係好低喇﹐唔可以再有呢個不切實際的想法了。
永久唔聽佢電話﹐見到面招呼都唔駛打﹐佢換電話打黎就即cut.
情況唔改就要同老師/家長講。
最後都唔得就一定要面對面同佢講﹐”無咁0既可能!”﹐你0既理由非常合理﹐係一D可以講得出口0既0野黎0既﹐所以唔駛驚﹐照直講其實真係最好的辦法。
人做0岩0既決定係最重要的﹗ 可能你唔想搞得太難睇﹐唔想無friend做﹐但係人生有時就係咁﹐尤其是係感情事﹐牽涉到兩個人或以上﹐你要先有最壞情況0既打算。
如果你怕面對面﹐其實透過電話好直接咁講出你的理由也是可行的。 面對感情事不是如借一枝你好鍾意0既筆比同學咁簡單﹐你要借出去0既﹐係自己的感覺﹐時間同生活習慣﹗ 呢一樣0野﹐非常同意樓上﹐唔到你話唔識﹐因為只要直接講就可以了﹐係你人生一定要學識0既0野黎0既﹗
同人生其他所有0野一樣﹐萬事起頭難﹐做第一次永遠都自己將個難度放大0左﹗ 只要有左第一次﹐以後再有類似情況(你話以後仲會唔會有丫﹖)﹐你就自然會越來越唔驚﹐同越來越有技巧的了。
你是在做一件對的事情﹗ 所以不用怕﹗只要有尊重對方的感受﹐儘量不要讓他難堪﹐直接講出﹐相信他自己也會自動消失﹐再過一段時間﹐應該可以繼續做朋友/同學的。
只有做虧心事0既人先需要驚﹗ 你做一件對的事情﹐應該抱著誠懇和理直氣壯的態度。
2009-02-16 02:03:09 補充：
你連最壞打算(無friend做)都可以接受到﹐咁就OK啦。 唔駛心急﹗ 等自己心態完全ready﹐佢又再煩到你先同佢講都唔遲..... 何況﹐你都要有一段時間比自己從客觀D角度想想啦。
可以唔駛變仇人0既﹐就儘量唔好搞得咁僵啦。佢話晒都係一個鍾意你0既人﹐只係年紀輕﹐唔識處理自己呢種感情0者。
2009-02-16 02:05:50 補充：
曾經回答過一條問題..... 關於一個網友因為不懂得怎樣在適當的時候有技巧的 "拒絕" 人﹐那事情的後果可大可小的.......
你也有類似的弱點的話﹐建議你也可以參考一下﹐以作日後借鏡。
http://hk.knowledge.yahoo.com/question/question?qid=7008122700204 
