請健身教練或玩開健身的朋友進來 !!

<有咩運動, 剩係在屋企做, 都可以練到對腳粗 d ?>

想練腿部及臀部的肌肉，可以練鴨仔跳和向上跑樓梯，都可有效而且簡單。

亦可以考慮練以下的運動，除了能增強腿部，也同時強化心肺機能的，對身體好有益：

至於在家裡的體能鍛鍊有以下的運動：

1. 踎低起身：好簡單，踎低後再起身，動作要慢，唔好急，能夠強化大腿和臀部肌肉。隔天做，每次分開三組，每組 20 - 25 下，能夠做得到的話可以增加下數，每組之間休息 2 分鐘。

2. 踏步：搵一張穩固的矮凳，然後不停地踩上踩落 (慢慢地，向前踏上，向後踏落)，亦係每星期 3 次，每次 30 分鐘或以上。

3. 跳繩：在家中跳繩的話，就唔需要穿鞋了，免得噪住樓下。，不過最有舖個軟墊，或最起碼舖條厚毛巾，可減輕雙腿承受的震盪。

運動後記得要補充營養呢! 必須多食碳水化合物和合蛋白質，呢兩樣野都對強化身體都非常重要。

蛋白質：肉，魚，奶，蛋
碳水化合物：飯，麵，麵包

別忘記充足休息呢! 每天最 8 小時睡眠，而且定時上床/起床，否則無論你點練，營養幾充足，肌肉都不會增加了。


<如做健身, 有咩器械係可以快速幫助玩家練粗對腳的 ??>

gym 度有機種器材都能夠增強腿部的，其中最基本而有效的就是深蹲，有關深蹲的簡介可參考以下網址：
http://www.laijs.com/article/article.php/2007

深蹲的 video 示範：
http://au.youtube.com/watch?v=Ke1eFazK1IA

不過呢個動作有危險性，一定要去 GYM 度搵健身教練指導才好練。而且不建議你再家裡自己練習，否則可能會令自己受傷，或關節慢性磨損。


<要唔要分開大脾同小腿段練 ??? >

除非你練得好勁好專業，要成個筋肉人咁，否則普通人不需要分開練的。


<最好係快見效的>

唉，我成日都響度講：做運動無得快的，一般做運動，最起碼要 3 個月至會初步見效，要練到好筋肉型的話，更非幾年不可的。

我在另一條問題也列出了自己的增肌心得，有興趣可以去睇睇：
http://hk.knowledge.yahoo.com/question/question?qid=7008100501355