有咩途徑可以自學日文? (方便玩game)

上網學左50音先，之後去書局買本《大家的日本語》or《新日本語之基礎》，買多本中譯解說版，你多d本中譯版文法解釋部份，自學3、4級係冇問題的。

建議選用《大家的日本語》，因為生詞多d，排版靚d你都有心機睇多d，我記得佢有一款係有CD版的，會教埋你D字點讀，普通版只附有listening cd

據一d學左頗耐日文既人講，要明白一隻game or一套戲(日文)講緊咩係好高難度既事，即使係佢地，都只係大約get到個意思。
所以先提醒你，唔好期望學識部分文句就得(免得失望嘛)。

你諗諗，即使係廣東話，同一句意思都可以用唔同既文句表達，絕對唔會千篇一律用同樣既句子嘛，係咪?

如果真係有興趣既，何不直接參加一d日文班呢?
相信咁會學得比較有系統，而且經本人既經驗，發覺如果左學識五十音，見到d平假名就識得讀，有時識讀之後你就會發覺個字原來係你識架啦!

如果真係唔打算上堂既，先上網搵一d學五十音既網，學識左後就去書局買本文句書(好似都有好多種類)，一路睇一路讀，讀讀下你就會記左入腦架啦。