如何令女朋友信任自己

你好 !

自問係一個在戀愛方面經驗很少的女子, 但當我看罷閣下的題問之後, 有些少感想, 請勿見笑!


1. 個人認為呢個並非信任與否嘅問題......


2. 她有要求你 (這樣地) 為她付出麼? (有些女孩子係唔 buy 咁樣GA 喎!)


3. 愛她之餘, 雙方要有自我, 不卑不亢, 怎能放棄自由呢?


4. 你所做嘅, 未必係佢想要嘅! 再者, 你在付出的時候, 可有付出得不情不願 / 成日提住人哋, 你付出咗好多? (可能要多點溝通啦!)


5. 一個真心愛你嘅人, 唔會捨得要你放棄自我, 一定係會想你快樂嘅喎! (自我和愛我要有平衡 / 適時嘅取捨...


6. 愛一個人, 唔係响張紙度 list out 晒 d point 出嚟, 你做到晒呢就愛你, 做唔到就唔愛你呢!


7. 愛一個人, 係要接納佢嘅 (整體) , 理解雙方嘅 (局限性). 但唔係講咁容易, 係要雙方有愛 / 有心為基礎, 不斷磨合 / 妥協, 同埋, 天時 / 地利 / 人和嘅配合都非常重要.


8. 會唔會係......某一方或相方面嘅思想未夠成熟呢?


9. 戀愛過程中, 雙方都享受 / 快樂最重要, 當初大家走在一起, 是求快樂的啊! 如果雙方或其中一方太過唔開心 / 勉強的話, 便要處理 / 取捨一下......


10. 愛一個人, 係要接納佢嘅 (整體), 唔係吓吓要對方 / 自己去改變嘅...做回真正嘅自己係最舒服, 最快樂嘅...你話係咪?


11. 其實你...係咪真係感覺得到佢係愛你GA......佢都要愛錫吓你先得格?! (抑或佢都付出咗好多, 但你又係都收唔到呢? 如果係嘅話......雙方就真係要了解對方多 D 啦!)


唔好意思......以上愚見, 唔係存心批評...只係......人生苦短, 仲咩要愛得 / 活得咁辛苦啫???????

你平時要咩都同佢講....
盡量俾佢知道你平時做緊咩......
同埋唔好同女朋友講大話.....
一次不忠....百次不用....
信任既野唔係一朝一夕既事....
但係你認真諗下....
你自己有冇信用佢先?!
男女朋友之間要互相信任.....
仲有係係內心....
如果大家真係信任對方....
唔使講都會明白...+油~

你有冇做,同佢信唔信,係兩回事~

只係睇你哩幾句說話,我已經想講句:"你放棄佢仲好啦!!"~

其實,你有冇問過佢想點??照你咁講既,我都唔覺你仲有咩可以做~失自由,唔識都學,其實都已經好盡力(我相信)~會唔會係佢覺得未夠??定其實你做得唔足呀??

佢feel唔到,冇計~

我覺得佢想搵藉口飛你......即使你上黎係想搵人幫,但實在我唔覺有咩幫到你,因為,幫到你既人都feel唔到......本人強烈建議你搵佢傾多次,如果佢都"feel"唔到既,問題應該出係佢身上,你係正常~

抱歉~

你係咪之前做過d咩令佢失信心對你成日疑神疑鬼,定你條女本身就你身邊條仔無論做幾多 做d咩都係覺得唔夠個類 你既然咁辛苦一句彈埋去:[咁究竟仲想我做幾多先至夠,你不如直接講你覺得既做得夠係要幾夠,點先肯信我,唔通我為你做咁多野付出咁多你都唔在乎唔心動?!] 另外,其實想你明感情單一麻木地付出係唔work架 我以前10零歲都試過好似你咁,覺得只要佢開心覺得值得就得 但其實要諗返 係咪真係咁就得,係呀係雖然話愛得1個人係認真既話唔應望回報付出得就付出 犧牲得就犧牲 但會唔會你愛佢一味付出但人地心度當你傻仔呀.........我唔識你條女唔知 唔知你地點keep呢段關係 但真係想你諗清楚真正既愛應該係點 祝你好運~

如果你以前唔係做咗好多令人對你失去信任嘅嘢,
咁就建議你應該多放棄一樣, 就係你呢個「女朋友」!

正如你自己講: 佢乜都感覺唔到, 一d都feel唔到你為佢所做嘅嘢, 理由只有一個, 就係佢根本唔愛你, 所以對你所做嘅一切, 完全冇放在眼內、心內！

何必為咗一個其實唔愛你嘅女仔, 放棄咁多嘢, 失去埋自我, 咁樣只會令佢覺得你係「唾手可得」, 唔會珍惜你！

希望幫到你, 唔會傷到你, 善哉！