其實而家的士轉咗四座位，點解唔改用細車殼呢

以前有回答過你類似問題, 但當時你交由票選, 所以可能你冇睇過我嘅答案. 而家稍加補充及改動去解答你呢題問題:
香港的士選用豐田Comfort 有以下幾個理由:




運輸法例: 香港政府喺幾年前立例要的士同小巴改用廢氣排放較低嘅石油氣車輛作為運輸工具, 而豐田Comfort係少數嘅石油氣汽車. 再細D嘅車用石油氣嘅慳油作用唔大, 所以細車一般冇出.

設備需要: 如果你去番豐田日本網址, 就知道豐田係將Comfort列為商用車, 而非一般私家房車發售. Comfort係針對的士市場而設計, 汽車本身有以下特點:



後門開啟角度闊, 方便乘客上落. 其他車未必有開得咁大

後座腳位空間寬敞, 中間拱位較低. 除咗增加乘坐舒適感之外, 亦有助多位乘客可以更快速上落車. 香港人鐘意諗縮數, 同幾個朋友一齊計過攤分車錢有著數就幾個一齊坐的士. 如果架車本身設計上落車方便, 即係司機就可以把握多D時間踩多轉. 後座夠闊坐得三個人舒服的話, 亦係呢D人一齊搭的士要考慮嘅因素之一.

視野廣闊, 駕駛睇位容易

當然, 以上各點會影響咗其他嘢, 譬如車架抗扭鋼度降低, 影響駕駛感, 同埋外形唔吸引等. 但作為一部商用交通工具, 呢D唔係的士司機首要考慮.

營運成本: 試想想, 如果市面有多款汽車作為的士, 咁作為的士維修嘅車房就要增加唔同零件嘅貨存, 成本就會增加, 亦都轉架到的士司機身上. 而家大家用同一款車, 維修同零件業可以以較大量咁買入儲備零件, 價錢亦會更佳; 而且維修經驗亦可以較容易咁整理同傳送, 因為都係修一部車而矣, 咁樣做保養維修都會較快捷.


圖片參考：http://toyota.jp/crowncomfort/interior_exterior/guest/image/p01.jpg




圖片參考：http://toyota.jp/crowncomfort/interior_exterior/guest/image/p03_2.jpg




圖片參考：http://toyota.jp/crowncomfort/interior_exterior/guest/image/p03_3.jpg