爸爸過左身11年,之前9年媽媽一直都好好...
直至前1,2年,我教識左佢玩電腦之後
佢就開始係網上面識埋D唔知咩人,同人傾埋D性方面既野
CAM SEX...又俾電話人...帶人番屋企...
我知道我唔可以唔俾佢識朋友,
我一路都冇反對過佢識男朋友OR再婚
因為我知道第時大個左,佢老左我都想有個伴陪佢
所以呢D野一路我都鬱係心入面唔夠膽講出黎,
怕破壞左大家既關係,
直至上2個星期,
我係媽咪MSN對話紀錄入面,
發現左佢叫左個男人上黎屋企搞野,
個男人仲要唔係佢男朋友..個男人本身自己都有女朋友
係紀錄入面個男人講話同我媽咪係朋友關係
所以接受到同我媽咪訓(咩道理!?)
又話好信我媽咪,又話驚自己性冷感好多好多
我睇完之後淨係識得喊,阿媽番到黎扮冇野
到左第2次佢呃我話出見工,其實係同個男人去左開房
佢番黎之後我好聲好氣咁同佢傾,
但佢就講左好多好傷害我既說話
"你唔中意你既事"跟住就話我成日出街夜番,
唔做家務......等等等
我個晚係咁喊,喊到勁頭痛,成日人呆晒
真係好想死左佢就算,
到我醒左,我見台面有封信
"以前個個我己死了
像昨日個個你都唔係今日個個你一樣
我都想個女似以前係大6一樣咁乖
我知人會變
我都一樣似以前個個你媽咪已唔存在
已經唔係你今日個個媽咪了
你明嗎??
我活著為咩我都唔知了
好累,好累了
我知你都係關心我,為我好
對唔住
你唔爭氣的媽咪上"
我都寫番封信俾佢,
講話佢咁樣做我好心痛,叫佢唔好再咁樣
話俾佢聽活著就係等我第時大個搵$$養佢
等佢唔使好似宜家咁咁辛苦..
之後我都冇再成日出街,放假陪佢飲茶,
花多D時間陪佢,同佢傾多D計...
我以為佢會改,但呢幾日睇番佢D紀錄,
佢都仲有同個個男人聯絡..
係度傾埋上次完左之後D FEEL...賽後討論咁...
我真係唔知點做好,如果佢係正正常常咁發展男女關係既
我一D都唔反對...媽咪得我一個女,我都唔知可以搵邊個傾呢D野
學業上已經俾左好大壓力我,對上一次同一齊左年幾既男朋友分開左,
個種唔開心到今時今日都係度...
每當我唔開心,想自殺死左佢算既時候,我都會諗我仲有一個好錫我既媽咪
佢養到我咁大,我唔可以話死就死,
但宜家連屋企都係咁...我真係覺得好辛苦...
就黎會考,我覺得宜家個境況我真係冇辦法專注到...
我應該點做? 應該阻止佢再搵個個男人?定係由得佢?
有冇其他方法?
更新1:
回番yimtig
不過其實唔可以咩都怪晒佢
可能如果我個時聽話乖,
唔成日出夜街得番佢一個係屋企事情就唔會搞成咁;(
所以我一直都好內疚,好怪責自己...
✔ 最佳答案
佢一個人始終是寂寞的吧。
你不在家裡的時候，她可是一個人在家喔！
做家務每天頂多做一兩個小時，那麼她平日放工後在家裡，對住四邊牆，又有什麼事可以做呢？
一般阿媽都是追電視，她有追嗎？
或者跟其他帥奶朋友聊電話，她有無呢？
你先別管她的事，不要時常夜街ｗｅｔ是理所當然啦，會考就完全不要ｗｅｔ了，努力考好ｄ，讓她看出成績的時候，如果她依然還是那樣對你，你才能夠知道真實的一面嘛。
現在的你，先考好會考吧，這樣要罵人也能罵得有道理點。
也別要讓這件事影響你的會考，以免你一個唔該考衰左，以後就歸咎於你老媽的錯，這就又失公平了。
自殺啊什麼更是想都別想了。死掉了什麼都沒有嘛。不要為別人而活，什麼因為老媽會哭，這不是什麼好理由。你最好自我中心點吧，因為自己想活，所以活下去，別管別人什麼的閒事，這種想法才對嘛。
而且老實說，看完那封信，我覺得你老媽的心境比你的心境還要危險多了。她分明是自暴自棄外加了無生趣的胡搞胡來，你最好小心點看實佢。
你唯一能做的是當個乖乖女吧。如果，你要挽回佢。
我好耐心咁睇完你的問題,覺得人生真係好無奈,每個人其實都好想自己循規蹈矩,又好希望自己的家人都安安份份唔好出錯!
雖然,你認為自己沒有乖乖的時常陪伴亞媽,以致搞成咁,究竟是否自己有錯?
不過,唔係個個人都係聖人,有時候寂寞難耐苦悶就會想到做人咁辛苦究竟為乜?
子女細時還想到為了子女而捱,子女大了有自己生活方式,將來又一樣會離開自己,咁折磨一世又點? 點都唔會有貞節牌坊啦! 所以一受到引誘就會放棄原則隨波逐流了!
你都大個女了,都明白到成年男女是有性慾的需求,只不過大部分人都是用道德和理智約束自己而已,如果抵受不住長期壓抑,再遇到性愛的誘惑,就再難被道德和理智約束了!
你問你應該點做?
其實當初你偷看她的msn時已經不對,再當面追問她或者寫信批評她,更令她無地自容,所以變成惱羞成怒,搞到大家都無法下台!
傻女,點解要死呢? 唔使內疚,難道你可以成世日日夜夜唔出街唔返學唔返工陪佢咩?
既然你都無辦法阻止,就順其自然啦,你媽媽是成年人,是對是錯自己心中有數,做子女最好詐作不知,不要窮追不捨,好壞都讓她承擔後果,通常這類霧水情緣都不會長久的!
唔好責怪自己,更加唔好責怪亞媽,現在最好當無事一樣就得啦!
只要大家保持冷靜,你不再干涉她亦不再提起她與男友的事,自己只要專心功課,間中陪她飲茶行街,做番個乖乖女,又自會大家無事了,始終兩母女怎會有隔夜仇呢?
pe
當妳大過之後, 就會發現'大人'係會承受很多不同的壓力架啦, eg.工作, 子女, 年老~~尤其係子女同年老, 佢會諗好多唔應該諗既野, 而且妳都識講係妳父親離開左11年之後先發生, 係好正常.
妳啊ma 佢都要解放佢既壓力,佢面對既壓力可以肯定多妳好多, 唔似妳咁失戀又話唔開心到幾時, 咁妳父親離開左, 妳有冇諗過妳啊ma有幾大壓力, 有幾傷心呀??
'易地而處'---人生苦短, 每個人都有佢自己追求既生活, 婚後, 佢儘力去改自己既生活模式去照顧妳地, 但而家佢唔係 '背夫xx', 又唔係'刹人xx', 佢都會有自己既需要~~而且佢根本唔係想傷害到妳先同妳講大話~同時每個人都有自己的私隱, 妳唔應該去挖人地既秘密, 就算妳係佢個女都好.
總之每個人到每個階段都會有唔同既追求,唔同既改變---->係一定既. so 妳將來會發覺曾經想過自刹的妳係很愚蠢. 因為人生係難以估計先會變得精彩.----------------希望妳明白,勇於活下去
其實你爸爸都死左11年, 媽媽有需要都好正常, 而且你都一日比一日大, 始終有日要嫁人離開個家, 所以你媽想搵d慰藉都好正常, 不過道德觀念黎講就唔係咁令人接受, 但係雖然咁, 佢無因為其他男人而唔錫你呀, 一樣對你咁好, 而且你媽都唔係十八廿二啦, 佢都應該有考慮過自己做既事o岩唔o岩, 所以既然佢開心的話, 就由佢吧, 事情亦唔係你可以控制, 你不如專心去讀書, 對媽媽好d, 或者間中陪下佢周圍去玩下, 參加下d興趣班, 或者做下義工, 等佢可以覺得除左"性"之外, 仲可以有其他活動又健康又幫到人既.
我睇晒你成大段嘢, 但覺得你係無乜, 只係你唔應該睇你
阿媽D私人嘢, 你咁樣同折人書信, 偷睇人哋日記有乜分別,
你要明白, 每個人做嘢都有佢自己既分寸, 你關心你阿媽,
怕佢蝕抵俾人, 但你有無諗過, 你阿媽都想找尋剌激, 你只
要同佢講, 小心唔好俾人呃, 玩都無乜所謂啦...! 大家成年
人, 都係追尋開心啫! 只係你年記小, 你唔應該去管你阿媽
既事, 做好自己本份, 但要保持同你阿媽溝通, 等佢在外識
到乜嘢人, 做過乜嘢都會跟你講, 即是你若然反對佢既做法,
你阿媽有乜嘢就唔會同你講咖啦...! 你不如乖乖哋, 唔好去
咁多夜街, 你出夜街, 你阿媽又擔心你, 你阿媽識男人, 你又
擔心番佢, 咁不如大家都乖乖哋咪好囉! 你阿媽既事, 你唔
好過問, 你只要講, 信任佢及尊重佢個人意願, 更加無需要
講到死, 太誇張啦...! 無乜大不了啫! 你表示俾你阿媽知, 你
有幾關心佢, 兩個要相依為命, 亙相支持, 唔好郁吓都話死,
死咗既話, 咁你阿媽點先?
