我有2隻倉鼠一齊住,但佢地好fd,咁正唔正常??

A.相信你係有睇過我回答既知識,當然我會話我講既係真啦,倉鼠係獨居動物,天生係習慣自己一個生活,所以將兩隻鼠困埋一齊係易打交or因壓力而生病,所以希望你可考慮將佢地分開,唔好俾佢地爬到過對面(就算你最後決定繼續俾佢地一齊,但在你離家數天既時候,亦希望你可考慮將佢地分開,擔心有咩事冇人見到就更危險)鼠鼠平日都會叫,但因為音頻唔同,所以平日既叫人係唔會聽到.而當鼠鼠叫到人都聽到既時候,多數因為驚同痛苦,即係可能係打交or有病就會叫,就算唔係埋身打,對住第隻鼠叫,亦有受驚既表現;只係睇呢點,已經唔覺你既鼠鼠而家真係咁好朋友
今日係農曆正月十八,新年到而家都只係十多天,唔可以話見到佢地冇打就係冇事,反而要留心有叫聲可能已有爭地盆既行為,加上鼠鼠係夜行動物,而你又好難24小時咁去睇實鼠鼠,不幸打起上唻,就好危險
一齊食野一齊訓其實並唔代表唔會打交,我以前都係一籠兩鼠,死鼠無數,令我覺得最fd既兩既鼠,一樣死得好恐怖;佢地係同一胎,用既係兩層籠,所有野都有兩樣,佢地會一齊訓,會互舔身體,以我睇到既從來都冇打過交,結果有一日我出去一陣,返唻見到一隻個頭甩左,另一隻垂死,肚被打穿,腸都出左唻
另一個在知識＋既例子至今我都難以忘記(可惜冇keep起條link,俾唔返你睇),發問者既鼠生左bb,唔止一胎,一家大細生活完全冇事,冇打交,當時我仍然多次勸佢分籠,可惜冇分到,覺得幾個月都冇事,唔會有事,結果有一天佢再發問,講籠入面屍橫遍野既恐怖情況,我既難過又內疚,覺得唔夠努力去說服佢分籠,實在好希望大家可以認真考慮一籠一鼠

B.當然凡事都有例外,可能有d鼠真係冇打交既問題,但壓力對鼠鼠有幾重唔係用眼可以睇得到,就算真係覺得冇打交冇壓力,假設日後打交只係50%既機會(我覺得當然唔止50%),但係咪值得用鼠鼠既生命去博一博?
都要考慮當鼠鼠真係打既時候,係咪會馬上帶佢地睇醫生?就算會,有D問題都唔係醫生一定處理得到;有時幾努力照顧鼠鼠,鼠鼠都會生病,肯俾錢睇醫生,肯花時間耐性去照顧都未必冇事,但只係分籠已經可以避免到既問題,又點解要去博呢?

我好喜歡鼠鼠,都好想可以一籠多鼠,咁好似會開心D,但慢慢明白鼠唔同人,唔係多D人會冇咁悶,反而係一個生活先舒服,我養鼠係鼠鼠開心我就開心,而唔係要改變鼠鼠既天性去令我自己一個快樂

其實鼠鼠最好分籠,我一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
3) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險
4)就算唔打傷打死,都會感到壓力,壓力會誘發甩毛肚瀉等疾病
5)一籠唔止一鼠,仲會較惡,特別易咬人同比較難同主人熟
6)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

另外,鼠鼠之前打過交,唔知有冇受傷?就算冇,都記得密切留意佢地既身體及排泄物有冇異常,一有問題就盡快處理,打交處理方法可參考以下我回答既知識;
http://hk.knowledge.yahoo.com/question?qid=7009010701103

哈囉 ! 大大

我可以建議你去仁寶當舖哦!!

在中壢往桃園方向中華路二段 YKK對面

我也是去那裡借的 店長很好商量 會給你方便的

保密 利息也很低 !服務態度也很親切

我也是我朋友介紹我去那的

而且她們在網路上的評價也很好哦

你可以去網路上搜尋 仁寶當舖

他們很專業 過件率也很高 評估完你的條件馬上放款

事後你有什麼問題 打過去給他們 他們都會盡量配合你

你可以去了解看看 !祝你好運~~~