英文可唔可自修

唔係唔得，不過你一定要好勤力好勤力先可以做得到。
因為語言除左詞語之外，句式、文法、時態都好重要，而如果你對呢d冇一d基本既認識，要自學都難以入手。

如果你已經對英文有基本認識，我會建議你睇多d英文報紙，查多d咁自自然就會記得。
但如果你連基本既文句都唔識，查完字典你都唔會學到野。
如果係咁既，個人建議你都係去上一d英文班，唔一定要係好貴個d，不過一定要由基礎學起，只要有左基礎，其他既野你可以靠自己睇報紙、睇戲、睇小說等等積聚返黎。

希望可以幫到你

我覺得學語言要真係要多聽多看多講!! 最好你就可以係外國自己一個生活1年或以上 叫天不應叫地不聞個種喎 唔係叫你住係唐人街隔離個D 咁你就一定要講英文先生存到 咁你就學得好快!!

不過如果唔得嘅話,又識唔到外國人friend同你講多D,唯有多D睇書或者睇英文電視劇阿戲阿咁 一定唔可以有字幕!!! 咁你會太過依賴字幕 反而乜都學唔到 本身你對乜野有興趣就係邊到入手啦~ 例如你好鍾意睇法証先鋒嘅 咁咪睇CSI囉~ 鍾意愛情小說嘅 咁咪睇Twilight囉...本書真係好過部電影好多架 haha

以上嘅方法可以幫你認識多D單字~ 當然唔少得嘅就係認識grammar!! 我呢度有兩個網站 ok ga!!

1. http://esl.about.com/od/beginningenglish/u/start.htm
簡單到ABC都教你又有 作文技術又有 發音教學都有 真係包羅萬有!!

2. http://www.englishpage.com/index.html
呢個又係乜都有嘅!! 之前因為要幫我個friend搵一個可以做到英文verb tenses exercise嘅網站所以搵到 (係呢一頁 http://www.englishpage.com/verbpage/verbtenseintro.html) 真係好好用 幫你check埋answer添~

希望對你有幫助~ 加油~!