有關蛋白奶粉,即大隻奶粉問題

<我想知點解有d大隻奶粉有"平"~"貴"之分?貴在d咩?>

任何產品都一定有平有貴的，健身奶粉當然也不例外了。

健身奶粉其實分兩類，一類係蛋白乳清 (whey protein)，主要成份係蛋白質。另一種係增重粉 (weight gainer)，不但有蛋白質，亦提供更多熱量，不過會比較貴，而且比較滯，容亦易致肥 (需要練得咁 d 來燃燒多餘熱量)。

至於同一類產品中，平貴的分別唔係咁容易分了。一般都係個配方有點不同的，因為同係蛋白質，都分好多種，有 d 會 set 到調 formula 較容易吸收。而且大部份健身奶粉都加入了其他營養，例如維他命和礦物質，也有部份會加入消化酵素，幫助消失同吸收，呢 d 當然1亦係加得越多就越貴了。


<如果我要"重粉"有咩好介紹?>

坊間有好多不同牌子，好難話邊隻好，因為每個人的腸胃不同。同一隻產品，有人好吸收，有人食到腸胃不適，要自己試才知道邊隻適合的。初初建議試下中價位產品，唔需知買貴野，亦唔好隔價隔得太盡。

整體而言，可以試下呢幾隻：

Cyto Gainer
http://www.hk-nutrition.com/product_info.php?products_id=33

Mass Tech Gainer
http://www.hk-nutrition.com/product_info.php?products_id=201

EAS
http://www.hk-nutrition.com/product_info.php?products_id=105

不過我要重新：各人腸胃不同，不擔保一定適合你的。呢 d o野，真係要自己試過至自。

最後要提醒你：齋食只會增肥，唔會增肌，而且一定要配合做運動至有好效果。重有，奶粉只係輔助，其實正餐的營養一樣重要，唔可以食奶粉就唔注重正餐的。

第一題都答得好好,但我個人認為,你買大隻奶粉應該都係想做大隻佬先買,要做大隻佬,最先決既條件係要去健身,但去健身有好多野要學先識,比如你要自己既身體邊個部位大隻就要操邊度,再配合奶粉,先會快d達到自己要求,根據我既經驗,我日日都會去做GYM,每次都會操唔同既部位,時間上就因應身體情況去做,唔會過量,但星期日就休息,飲奶粉方面,一日定時飲兩次起身同訓前,中間就按做GYM時間決定,多數都會係做GYM前一個鐘飲,做完立即再飲,同時三餐都會食雞蛋白,一日大約12隻,我都有同你一樣既地方就係要增重,所以我一開始玩個陣就飲增重奶粉,但我因為唔識做GYM所以開始時上得好慢,後來經朋友介紹,識左個健身教練,用佢既方法去做,我兩個月就上7kg,好快,所以我比你既意見就係,唔好用太多時間去問一d唔知岩唔岩既野,最好既方法係去搵下有冇朋友識健身教練,比d錢跟佢學兩個月,同時了解下用咩奶粉最岩你,之後自己操,不出三個月一定見校,希望幫到你啦....