冇咩自信心.

愛情既野,本人覺得,係冇得強求~當你覺得緣份一到,你先可以開始一段感情,而唔係你係度問人,人地會教你溝到女~

你會問,好多人都好細個就拍拖,佢地緣份好早有係咪??本人並唔認同,唔認同果d拍拖稱之為愛情~

回應番你題目~165,baby fat,我歸納你做唔冇出眾既外表,應該冇錯掛??冇錯,外表唔吸引,係25歲前拍拖既一大死穴(你自己都揀令女先啦)~有冇錢呀各下??讀得毅進,家底有限,冇分加~口才又點??你題目係冇自信,口才唔荒好啦,3個俾女溝既條件都冇,抱歉~

咁既然唔可以主動吸引,唯有反過黎你做主動~
我估你都18歲左右~我當你10歲開始叫懂事,你面對一個唔太吸引既自己都8年,你仲唔習慣自己??------你自信既建立,最起碼一個條件就係,唔好介意自己既外觀缺點~本人外觀好差,有一個明顯特徵,令我細個時好唔開心~直到某一日,我以為已經解決左既缺點再次出現,我就知道,有d野,唔係人地介意自己,係自己睇低左自己~
本人要到20+先第一次拍拖,不見得有遺憾,因為,真正既愛情,一次就夠~
我依然相信,緣為天定,份是人為~如果緣未到,你可以做下野既~怕羞係死症~不過我知哩樣野好自然~咁唯有將"唔敢講野",變做"慢慢習慣講野"~有個搞笑建議------你搵一個你覺得唔會愛上佢既女仔傾計,傾多d,就當練習,傾多左,就會明白,其實,女仔唔會食左你,同佢傾計冇咩好怕~一個唔覺意,你愛上埋佢,哈~
仲有既係,你咁多朋友有溝女經,你當佢地講故仔好,唱歌仔都好,偷下橋囉~佢地做法未必適合你,但都會學到下野~
至於各下講既coloring,晒黑呀,穿耳,都係一個吸引人既技倆,冇話讚唔讚成,只係,視乎你既對象(或者叫目標)係邊類人囉,jel如果乖乖女見到你玩punk,就得啖笑啦~哩個,睇自己而定,冇咩意見可言~

放低對自己缺點既重視程度,放大你既優點~

你而家咁講真係超低能啦....165cm都唔算矮啦...都算高啦...你千奇咪染下頭髮/曬黑d/穿耳呀，你咁樣只係想講你好cool咁咋，只會好乞人憎，最好既方法都順奇自然啦，咁樣d人先會覺我你唔係扮cool，希望幫到你啦!

如果你鍾意染下頭髮/曬黑d/穿耳，咁你就做啦，都應該會有人鍾意既，不過d人係鍾意你型，你一唔型就可能唔鍾意你囉!!

"我又矮得165cm高,塊面又baby face"
其實165cm都唔係好矮jei, 香港啲女仔好多都"細細粒", 好可愛ga~~
有baby face既男仔其實都幾受女孩子歡迎ga


"我係驚講錯野個女仔會覺得我低能" + "又冇話題又唔敢講野"
其實我覺得呢個先至係問題...
驚講錯野 --> 如果你係真心想同人地做朋友, 你一定唔會去惡意中傷佢, right?
咁又駛咩咁怕會講錯野而寧願唔講野呢?!
如果只係無心之失, 咁之後可以解釋 ga ma,
冇話題 --> 話題係自己"開創"出嚟既, 你愈唔出聲,就愈無話題,就會愈唔敢講野
咁樣就難識新朋友喇!
試下多留意身邊事物, 自然會令自己多啲common野去同別人溝通啦,
初相識時先不要滿腦子想著"我想你做我女朋友", 因為咁諗只會令自己更緊張, 更不知所措
初相識可以試吓講啲嗰排既 hit topic 囉,
先打開話匣子,再試著相處,慢慢你地就會有共同話題啦,
之後再看看大家是否適合繼續發展下去囉.

加油啊!!!!
希望你可以快啲衝破障礙, 結識到合襯既女朋友啦 ^^

首先，我覺得所謂既 "溝女史" 係冇意思既，所以唔使太介意。
另外，唔好為左追女仔而染下頭髮/曬黑d/穿耳，都係果句，冇意思既。

我諗你要先認識多D人，唔好一圍埋就講 "溝女"，到時候慢慢就會認識到其他人 (男/女)，再大家認識下先決定追都唔怕喇。