收到律師信被指侵權怎辦?

✔ 最佳答案

我屋企曾經遇過類似情況(係香港)
香港某上市公司發律師信俾我阿媽間舖話我阿媽係未經佢地同意下用左佢地既商標做商業活動。當時我阿媽係展示左有佢公司logo既產品。佢地要求馬上停止展示該產品及賠償2萬元。

阿媽俾左封信我睇，我問左幾個我既律師朋友。佢地建議我阿媽寫信去解釋佢係無心侵權，對法律唔認識，同時講埋生活好苦，小商戶搵錢唔多，賠唔到錢，要求上市公司減輕賠款要求。

封信我作既，我叫阿媽手寫左寄出去俾佢律師樓，過左一個星期，佢地有個人打電話回覆話睇左封信，而家減到2千，過幾日拿埋件侵權既產品上去佢地律師樓俾左佢地沒收，咁就搞掂。

你可以試下咁做，但你要有心理準備你剩番下來既貨會被充公

個人其實有一個懷疑，對方公司既專利係係香港註冊，其實係咪真係係澳門攪到你亦真係好值得懷疑

2009-02-17 23:23:45 補充：
剛係香港既知識產權署搵到呢個資料，請睇我提供既url

你可以回信俾佢叫佢証明佢係澳門有註冊專利，無既話你可以話俾佢知一國兩制，澳門同香港係特別行政區，兩個地方有唔同既法律，係香港既專利係唔適用於澳門既。(但大前提係你無係香港賣過呢d貨同d貨無經過香港運輸)，希望幫到你

回答 (2)