我中一至中四讀同一間中學..但中四成績未如理想..咁岩學校就係果年舉辦左中五小毅進班..咁順理成章就入讀左..10科合格..
因為本身自己都好鍾意小朋友,所以出到泥都留意有關幼兒既工作,係我完成中五小毅進後大約三,四個月我就搵到一份叫做有關幼兒既工作!
名就幾好聽>>"education consultant"!!其實就係sell幼兒教材..但係自問唔係厄唔係哄d家長買野..做呢份工都好多野要學要去記..要去記d幼兒資訊..八大智能丫..又要記products既賣點..每個禮拜又要去唔同地區擺booth..期間係可以接觸好多唔同類型既bb..小朋友..但唔係我想要既野..呢份係我第一份工..唔經唔覺一做就做左三年啦..
但係我慢慢發覺我唔想再做sales啦..而家既收入同支出唔同比例=.=因為冇底薪..開頭捱得住..曾經都風光過..但我想做d可以多d真係同小朋友接觸既工作..例如:幼稚園,幼兒院,托兒所...最起碼穩定d同埋唔洗sell野跑數!!!!!!!!!!!!!!!!!!!!!
想問下我既學歷再要讀d咩又或者可以搵d咩工係有關幼兒呢?
請詳細d講我知..因為我睇過知識有好多人問過類似問題..但係10個有8個d人都係答番同樣既野=冇答過..所以希望真係有人可以耐心d答我又或者比個方向我..
我今年21歲啦..前3年唔可以話浪費左亦都唔算過得好充實..所以我真係要認真計劃下我自己既將來..希望大家幫幫我..我而家好迷茫..