倉鼠耳仔後面生左粒好大的瘡

一個月前醫生話係瘡唔係腫瘤嗎?A.雖然一個月前醫生唔建議做手術,但事隔一個月問題嚴重左咁多,而鼠鼠年紀亦大個左,一個月對鼠鼠唻講已經係好耐,所以最好可以再睇醫生,特別係瘡,就算唔放得膿,都可能可以服用抗生素,瘡爆左既話就真係好麻煩,好難好返,最好盡早去睇,大圍醫鼠好出名,之前鼠鼠又睇開,可以再去睇
大圍珍禽異獸及寵物醫院 DR.TIGER/DR.LAM
地址:大圍積信街75號地下 Tel: 2687 1030
http://www.taiwaiexotic.com/

好明白你既心情,每當我既鼠鼠有病我都會好傷心,有時就算睇醫生亦唔係擔保好得返,就算好得返過程睇住鼠鼠捱得辛苦都會心痛;你做得十分正確,減少鼠鼠既痛苦同負面都係對鼠鼠好大既感助唻既
本身已經冇咩自我保護能力既鼠鼠,生病會更加怕人,而受驚好易會加速病情既惡化,遠距離觀察係最好既,我鼠鼠病時我會用望遠鏡去望,但有時鼠鼠都會知道咁,仲更加忐忑,唔知望唔望

B.睇醫生同時可以做以下既事:
1)有第隻鼠既話要分籠,患病既鼠被第隻鼠乘虛打死(鼠鼠本身係獨居動物,其實咩情況都係一籠一鼠較好),加上多一隻鼠易令生病既鼠多一分受細菌感染既機會,而且佢地好可能已打交
2)保持環境乾爽清潔,避免有更多細菌再令鼠鼠受感染
3)唔好俾風直接吹到鼠鼠,要鼠鼠保持溫暖
4)俾一d有營養既野佢食.可以試下俾d麥片or白麵包佢
5)鼠鼠唔舒服會更易受驚,受驚會令病情惡化,除左檢查及治療外,都唔好打擾鼠鼠
6)如果鼠鼠唔食野唔飲水,就用手直接餵,都係唔食既話,就要俾d耐性試多d,鼠鼠唔舒服,又會好累咁,係冇咩胃口既

C.食得少便便自然地少,但要留意鼠鼠會唔會有便秘?便秘都會令鼠鼠行路趺下趺下,鼠鼠少左飲水同冇咩力都比較易便秘,分辨便泌:
1)拎鼠鼠既排泄物上手咁下,最好係佢排出唻冇耐(過一陣,1分鐘度啦,即摸好易係好林),睇下會唔會好硬,唔洗擔心,佢身體冇咩事既話唔會好臭.其實最好係成日咁樣去檢查鼠鼠既排泄物,因為如果之前你冇掂過,就好難分係咪特別硬左,我成日都會咁做.
2)清晒個籠之後,再仔細留意佢既排泄物係咪真係少左
3)睇下鼠鼠排泄時會唔會好辛苦,平日休息又會唔會好痛苦咁縮埋一舊
4)便秘有時會見到佢肛門附近會濕濕地咁既,甚至見到有便便塞住

便秘處理方法:
1)將水放近鼠鼠訓覺既地方,必須確定水樽出水係冇問題(平日都要,但便秘時水份特別緊要)
2)可以俾少少橙既"衣"俾鼠鼠食,再睇下情況有冇改善,都唔得既話,俾極少極少既橙肉俾鼠鼠(大約半隻指甲大小),唔好俾菜,易有農藥但記得真係便秘先好俾,唔係一陣攪到隻鼠肚瀉就慘
3)有第隻鼠一齊就要分籠,呢個情況好多菌,以免令第隻鼠都唔舒服(不過鼠鼠其實係獨居動物,分開住會好d)
4)保持個籠乾爽清潔

2009-02-11 20:09:14 補充：
之前切除左既未必同而家既一樣,而家如果唔係瘡既話,就可能係腫瘤,主要可以睇返粒野係硬定林,腫瘤係硬既

腫瘤就唔會爆(但如果位置許可,我見過鼠鼠可以咬到爛晒),瘡就難講了,鼠鼠覺唔舒服就會用手去整,整得多就會爆

我自己就唔捨得俾鼠鼠安樂死,雖然見到鼠鼠咁辛苦,但都想鼠鼠自己努力一下,我又唔捨得
你既鼠鼠養左半年,都仲未老,快睇下醫生睇下有冇得醫吧,但如果行都有困難唔係因為便秘既話,其實都已經係好危險既階段,都需要有心理準備

2009-02-13 22:24:00 補充：
唔洗客氣,咁嚴重既問題其實好難幫到你d咩,但希望盡力去睇下有冇d咩令鼠鼠過得好d,而且明白鼠鼠生病做主人都會好唔開心,一齊分享一下都會好d

硬既可能就係腫瘤了,還好咬唔到;腫瘤會搶走鼠鼠既營養,可以俾d白麵包or麥片俾鼠鼠食;主要食蔬菜較易令鼠鼠肚瀉,鼠鼠食野既問題可參考:
http://hk.knowledge.yahoo.com/question?qid=7009011000385

鼠鼠行動不便可將食水放近鼠鼠,等鼠鼠唔洗行咁遠

2009-02-13 22:24:51 補充：
睇獸醫真係好貴,倉鼠又難醫,身價平,鼠主年紀又大多比較細,實在好多人都唔會帶鼠鼠睇醫生,你之前肯為鼠鼠花咁多錢都算係好好了

俾心機好好照顧鼠鼠,同鼠鼠一齊努力吧

而家你只可以去看獸醫。
佢粒瘡爆開應該唔會致死。

其實BB係好容易生這類類似瘡的東西, 而這類瘡是可能是如下:
1) 癌瘤
2) 良性的瘤
3) 真的是瘡而已

但是據你的描述, 我想BB所生的應該是癌瘤, 希望你都作出心理準備, 而家BB雖然食好少野或飲唔到水, 行路會失平衡, 甚至不能做手術或情況將會更差, 但希望你都會繼續愛錫BB, 陪伴BB走埋剩下的路. 因為BB其實很想生存下去, 所以你要努力加油呀!!!!!!