遊覽宿霧,保和島

你好呀，我都 plan 緊遲 d 去保和，但我係七月去。唔知你地又係幾時去呢？

其實我覺得去菲律賓自由行會方便 d 同埋平 d，尤其你想住多兩晚保和就真係得自由行，因為我都睇過好多團都無住兩晚保和，大部份行程都係在 cebu 的。

因為 cebu pacific 經常都會做 discount，撞 arm 呢排佢地又做緊 cebu discount，不過 d 機位好緊，好多都 fully booked，你可以上去佢網頁度 check，如果你係近呢一, 兩個月出發既就好似已經無位，但如果係遲多幾個月的都仲有機位。

因為而家訂六, 七月機票，一個 round trip 都只係一千蚊到，加上保和果邊的酒店都唔太貴，我都 check 過下價錢，一般靚的酒店都只是五, 六百蚊一晚，可住兩個人，另外佢還有一 d 係 family 的 room，可住多過兩個人，你地八個人可考慮租那種，可能會再平 d。

以我為例，我地四個人，去六日五夜。訂了 cebu pacific ，每人 arround $1000 來回，加五晚酒店，都不過三千元，即是一個人大概 $2500，但我這個已經是旺貴的價錢。

另外我預計去到當地每人洗 $3000 , 係食同埋玩，因為我唔太買手信的。

我地第一日係夜機出發，去到菲律賓係夜晚十二點，我地會住 cebu 一晚，第二天起身就撘船入保和，第二天應該會 relax 在酒店，第三, 四, 五天會去朱古力山，睇海豚，浮潛，眼鏡猴，第六天會出返 cebu, sm mall 有得寄存行李，然後行街買手信食品，夜機返香港。

但我去康 x check 過，三月出發的淡季團去保和，只住一晚保和，其餘住 cebu，都要 $3999 起，還要很多自費活動，還要比導遊領隊費。

因為你去到當地都可以 join local tour，其實玩法都係一樣，所以我個人覺得跟團就唔太抵。而且你地有成八個人，可坐兩部的士，因果邊的的士好平，四個人 share 返價錢仲抵過兩個人。同埋你地八個人，食野方面都好好，可以叫好多食物，大家夾返錢其實唔會貴。

希望可以幫到你，有問題大家可再討論。

2009-02-17 10:16:18 補充：
cebu pacific 多數兩班機，一班零晨機，即例如 2月14 零晨 12:00，即2 月13 日晚要出機場。如果坐這班機，去到菲律賓大約三點幾，你可選住 cebu 一晚，因為入保和的船最快要六點先有船。如唔住酒店，你都大可以在機場等到四點，然後撘的士去碼頭，因為五點開如有得賣船票。但入到保和最多都係七點幾八點，好多酒店都未必比你咁早 check in，所以在酒店 lobby 又係要等。
另外一班機係夜晚八點幾，去到大概十一點幾，所以我地先住一晚 cebu，咁會無咁辛苦，雖零晨機係可慳一晚酒店，但就會好累，第一天都玩唔到 d 咩。但坐夜機去，可休息1 晚，第二天一早就可出發。

去宿霧其實自由行都好方便的, 不過你地 8 個人, 的士要分兩部~

唔知你搭乜野航空公司，如果搭廉價航空Cebu Pacific，班機會係半夜3:30am到，於是好多人都會係落機後直接去碼頭，買飛坐船去保和，因為船程要成 2.5小時，當你坐 6 點班船，去到都9 點，變左唔駛租多晚酒店，又可以第一日玩足全日。

如是者可以係保和過 2 晚，第一日relax游水，第二日join day tour 保和一日遊(包括眼鏡猴)，係第三日中午搭船返返Mactan果便遊覽同玩，先check-in 酒店，可以享受下酒店設施，晚上去食野同賭場玩，第四日可以考慮join tour玩浮潛或體驗潛水，第五日去SM Mall shopping買手信，晚機返HK~

本人去過及試過的吃喝玩樂點：
食：Lighthouse restarurant (食乳豬Lechon)、Mactan Marina Mall 食韓國野同泰國野、Caohagan島上食海鮮同班馬賴尿蝦、另外SM Mall 有好多餐廳都幾好味~
玩：賭場 (Waterfront Mactan Hotel同Waterfront Cebu City Hotel都有賭場、出海潛水及食海鮮 (Fantasea 香港人開o既，email [email protected])~
SPA：Shangri-la內的Chi Spa (屬高檔野，package HKD1,000度)、Hilton Hotel (向海都幾靚，幾百至千幾的pack都有)、SM Mall 都有按摩店同spa，價錢當然平過酒店，但我未試過~