股改為何要送股票?

大小非
非流通股份, 又叫限售股;
當初, 一個共產黨國家嘗試玩吓股票市場, 就要模着石頭過河, 為免當權人以濺價出賣股份, ( 當然賣之前, 有權話賣果個人梗會向買家攞「著數」先啦 ), 所以當國家嘅公司 ( 國企 ) 要上市, 就限住祇是上市果 part 嘅股票可以在交易所買賣, 其他就是非流通股份;

( 舉例 )
中國人壽 假設股權分配如下
公眾人仕 = 25% 公開上市 ( 普通可以買賣的股票 )
母公司 = 60% 非流通股份
工商銀行 = 5% 非流通股份
建設銀行 = 5% 非流通股份
社保基金 = 5% 非流通股份

母公司 + 工商銀行 + 建設銀行 + 社保基金 + 公眾人仕
合共擁有 100% 中國人壽股份

但係, 家陣係新時代, D非流通股份想轉做普通可以買賣的股票, 咪要先經國家批准, 然之後, 開個股東大會, 但係, 非流通股份持有人, 因為涉及利益關係, 就冇權投票, 這樣, 有乜辦法要 D 股東投贊成票呢 ? 咪俾D so ,著數小股東, 例如送吓紅股, 派吓特別息, 當然, 非流通股份嘅持有人就冇份派啦,( 即係俾人攤薄咗 ), 跪地餵豬乸都要啦, 之後, 工商銀行, 建設銀行 & 社保基金 or母公司擁有嘅中國人壽股票, 就可以同大家一樣去炒賣囉 ; 當然, 大小非失禁之後, 又唔會話好似倒水or 賴晒屎個樣攞出嚟賣晒佢, 但係, 對大陸股就有心理上嘅影響, 因為「大小非」嘅股份, 是現有的 3 倍嘛 ,咪搞 A 股跌囉 !