整朱古力曲奇問題!! 急!!

1.緊記整曲奇同蛋糕都係用無鹽牛油的

2.高筋麵粉( 又稱「高粉」或「強力粉」(日文)。以硬質小麥為主原料，麵筋含量在12.5%以上，加水搓揉會出現彈性，適合用來製作麵包。) 故此如果要整曲奇既話,,就要用返低筋麵粉而非高筋麵粉 ^^"

3.雖然未試過用你呢個食譜唔太清楚原因..但我個人覺得..食譜入面寫要用既糖霜用朱古力磚既份量都太多..-0-"

4.通常整曲奇既話係唔洗再加牛油係牛油紙上面的..有時焗蛋糕就要

以下呢個網址係我整曲奇用黎參考的::
http://www.rthk.org.hk/elearning/dessert/cake_cccookies.htm
我整左幾次之後自己改左少少個食譜(因朋友同屋企人覺得有D太甜),,但跟佢整都ok的 ^^" [佢仲有VIDEO教學,,download左落黎就睇到架la]

希望以上資料可以幫到你 ^^"

第一，一般來說，整甜品用的都會是無鹽牛油，因為有鹽牛油中鹽的比例不能量度，所以有機會出問題...

第二，高筋麵粉含有約 11.5 ~ 14% 左右的蛋白質，筋度大、黏牲強，比較適合用來做麵包、派皮、鬆餅、餃子皮、麵條等口感帶點兒刀的麵食點心。

大形超級市一般有一公斤裝「麵包粉」(Bread Flour) 就是高筋麵粉了，另外一些中國糧油食品店也有 二點五公斤包裝的高筋粉出售。幾乎所有烘焙材料舖也有高筋麵粉出售。日式百貨公司出售的「強力粉」也是高筋粉。

而低筋麵粉含有約 6.5 ~9.5% 左右的蛋白質，由於含量是所有麵粉中最底的，因此不論筋度及黏度較底，最適用來製作各式糕點、雪芳蛋糕、笑口棗、鍋餅等口感鬆軟、膨鬆的蛋糕、點心及各式餅乾。

較大形的西化超市 citysuper，Taste， Great等有售低筋麵粉，另外在日式百貨公司出售的「薄力粉」也是低筋麵粉。幾乎所有烘焙材料舖也有低筋麵粉出售。

因曲奇屬鬆脆食物，不需要有筋性，所以用低筋麵粉製作最為適合

第三，則有機會與預熱及爐溫有關，一般焗曲奇前，只須將焗爐預熱15分鐘(則入爐前15分鐘方可預熱~~一般180'C已經足夠)，若爐溫過高，就會出現外表已熟（脆及金黃）但入面軟身甚至未熟的情況，咁亦會令佢曲奇黏著牛油紙
另外因同型號的焗爐亦都有可能出現爐溫差異，所以可以先確定自己部焗爐的大概爐溫

焗盤上放上牛油紙之後，係不需要加牛油在紙上面，因為牛油紙本身既作用係吸油同防止焗出黎既食物痴住晌個盤度。但係加牛油的話，咁佢咪要先吸再多餘的牛油先，曲奇有機會會重油份！！！