我仲意左個大我8年既男仔

又一單資料嚴重不足既case~~
你幾大,佢幾大??你學生定做野??最基本既都唔知,建議,可能有偏差~自己修正~~

以本人經驗黎睇,你鍾意佢,5成係因為佢令仔,3成係佢口才好,仲2成,係因為虛榮心~

咩都好啦,基於我上面講既原因,唔難理解佢想識你------唔係就手易食,就係你令女~你唔好話因為你地了解得多,佢會欣賞你內在美~

咁佢係咪呃你??我唔會話一定,因為男性(以及女性)都係咁樣,靚既,識多個無妨,有幸中獎咪正囉~你情我願既話,就冇欺騙成分架喇~

而你呢,鍾唔鍾意佢就你自己感覺答到你,我對住個mon係feel唔到既~只係,如果你真係想同佢發展下既,咪都係果d,傾電話,msn,sms......就唔好去佢屋企,時鐘.......果類啦~了解左,再問你個題目都未遲~

ps:係我心目中,年齡差距問題,最會影響愛情既,係14歲開始,至到23歲左右~因為,哩段時間既人生變化太大,區區係我拍出既哩9年期間,你都可以經歷人生幾個階段,學業既轉變(14-16歲準備會考),工作/升學既轉變(16-19),成年既變化(17-20),由問人拎錢到俾家用(19-21),為將來既打算(20-永遠),你仲可以細分更多,更多既轉變,所以,8年你話多唔多??大家思想,價值觀一定大有不同~

不過我更相信,愛情,係最厲害既利器,可以刺破所有既阻礙愛情既難關~

你不如了解佢多D,之後問吓佢有冇女朋友,如果沒你可以同佢表白,嚐吓一齊一個月感情冇以後有快D分手阿.

唔好想太多, 當識個朋友先, 做朋友做情人都好, 年齡無分界別既, 了解佢多d, 知佢為人點, 如果佢真係有心想追你, 先考慮都唔遲.

識下朋布加無壞既..

你再了解佢多d,, 睇下佢身邊既朋友係咩人,, 又可以了解多d 佢既為人係咩人..

咁咪知佢係咪一d成日握女仔既人lor..