倉鼠識開門???

鼠鼠識開門絕對唔出奇,如果咩都唔做,就有機會再開門,下次就未必咁好彩了;你可以用d鎖匙扣當做鎖咁鎖住道門,我都係咁做既,當然個扣既位唔可以大,大少少都好易走到,我用既扣都係好細個.有d寵物店都有鎖買,都係一d鎖匙扣咁鼠鼠會知道平日咩地方開到門,就算唔係想走出去,都較易會在門既位置度咬籠or活動,咁就有心or唔小心將門打開;就算開門既方式唔係咁易,鼠鼠都有機會打得開

唔知鼠鼠期間有冇出過去,而家要要好好留意以下幾點:
1)怕佢出去食左污糟野,所以呢幾日要特別留意下佢既身體及排泄物有冇異常,一發現有異常就要馬上處理
2)出面污糟都易令鼠鼠有皮膚病,同佢用沖涼粉整乾淨個身,密切留意有冇甩毛之類既問題,同埋要檢查下佢身體有冇受傷
3)鼠鼠識開門走一d都唔出奇,我以前有隻鼠,開到個瞭望台走佬添,個瞭望台連我都覺得好難開!所以閂好籠既門有時都未必有用,但當然都要閂好啦
4)都要留意返個籠仲有冇第d位可以走到,倉鼠係出名既逃走專家,一定要小心
5)唔好攪鼠鼠住,唔好嘈佢,等佢冷靜d先啦,唔好嚇親佢,怕走過受驚

2009-02-11 20:21:09 補充：
回應樓下網友give_me5ive,雖然同問題冇關,但希望網友唔好介意:

唔好俾鼠鼠玩波波球之類(有d係成架車,車上有個球,類似既玩具),呢D都算係危險既玩具,因為通風做得比較差,而且鼠鼠被困入面,會令鼠鼠感到壓力,想像下你被困一個咁既物品入面,行極都出唔到去有咩感覺?所以呢款玩具唔係幾適合鼠鼠玩既

另外,雖然我都覺得鼠鼠好聰明,但其實要鼠鼠學野並唔係咁快做到,因為鼠鼠有分短期同長期記憶,短既記得8個鐘,長期則可記住12日左右,所以半日教識做一樣野比較難,就算第一天記得,第二天就會忘記,所以唔好見到鼠鼠一時做到而太放心

2009-02-11 20:21:21 補充：
加上鼠鼠係十分喜歡跑轉輪,比較易令人誤會,如再有咬籠既話,可多加留意及慢慢再教導,避免以為成功後,鼠鼠做唔到而怪責鼠鼠or自己有錯敗感

我養時...冇試過佢識開門家bo~~

可能你個籠門太鬆, 要留意下啦 通常佢地都唔識開門

鼠鼠學野真係快架
我都用左半日時間教佢地唔咬籠而係跑轉轉黎表達要出黎!!

言歸正傳
鼠鼠唔只識得開籠
仲識得開波 (放鼠鼠入去個波度通屋跑個重)
搞到我成日睇住佢地玩!!

因為佢地開左門or波之後唔係即刻走
睇下有無人睇到先決定幾時走架!!

肯定識,鼠類係一種學習能力好強既動物,佢睇多你幾次開門既方法,佢就會跟住去做,而且佢地溝通能力好強,只要一隻識,其他果d都會識.

唔識！唔識！唔識！唔識！唔識！唔識！