VPN問題...唔該你地真係要幫下我..20分 急!!!

樓主好明顯唔知VPN係乜野。因為VPN係“Virtual Private Network”既意思，指係互聯網入面建立一個類似LAN既小型獨立網絡，雖然VPN要用戶入密碼驗證，但好明顯同樓主既問題無關。
而且樓主你亦唔清楚自己發生緊啲咩問題。咩叫“好多網要打驗證碼時點打都話驗證碼唔正確”，然後“個網封左我ip”﹖樓主要上嗰個係咩黎﹖係一個網站，討論區之類，定係好似上述既獨立小型網絡﹖無論點都好，由於樓主講到你比人封IP，所以事情既可能性唔多。一係你個電腦既防火牆set左唔知乜野令你去唔到某啲網站，最大可能係IE既工具 > 網際網絡選項 > 安全性嗰度set得太高。但由於你話你已經“關閉左防火牆”，所以問題應該唔係你度。另一個可能係你講既嗰個“網”既管理人唔知點解禁止你登入，呢樣野就無辦法係技術層面解決，因為牽涉到網絡管理人既決定。樓主要做既係搵辦法聯繫嗰個“網”既管理人，問下佢點解唔比你登入，之後再同佢商量解決方法。