我比人捉左優惠票!親身試過入!

港鉄罰款, 正式嚟計係你犯咗地鐵附例 (By-laws), 算民事案, 交咗錢就了事.
如果你唔交罰款, 咁佢就會告上法庭. 變咗 Summary Offence (簡易冶罪條例案件), 半刑事, 都係交錢了事, 無案底.
但如果佢揾唔到你, 而法庭又揾唔到你, 法官就會出手令要警察帶你上庭. 如果警察上門時發現你虛報地址, 企圖逃避付款責任, 咁就犯咗刑事法律 -
香港法例第210章<盜竊罪條例>第18B條 - 以欺騙手段逃避法律責任":
凡任何人以欺騙手段(不論該欺騙手段是否唯一或 主要誘因)不誠實地獲得免除作出付款的全部或 部分現有的法律責任， 而不論該法律責任是他本人的或 是另一人的， 則屬犯罪， 循公訴程序定罪後， 可處監禁10年.
一經定罪, 有可能要坐監, 亦會有案底.
港鐵有你ID, 一報警你會被通輯. 出境, 上大陸, 過澳門, 飛歐洲時會俾人拉. 行街, 落機鋪, 蒲酒吧俾人查身份証亦會拉你. 除非你唔出街...
為果$500, 值唔值?