傢俬裝修(貨不對辨)

嘩!咁既人都有....

你而家第一件事報警先。收數佬話唔比錢就上黎扑爛晒你間屋,仲有搞你屋企人，根本就係刑事恐嚇。當然，佢搞你個時警察九成唔係到，警察黎到佢又走左，你除左報警之外仲要做d野

佢傢俬呎寸錯，又鋪上空心磚，已經係毀約，你絕對可以民事入稟要佢賠償

另外，除左毀約，仲可以告個裝修佬民事上既恐嚇 (assault)
雖然個裝修佬唔係自己恐嚇你，但係收數佬係佢既 agent，代表佢向你追數，如果收數佬恐嚇你，民事上個裝修佬要負上責任，叫轉承責任 (vicarious liability)。因為係民事案，勝數又要佢賠一筆

至於你有無權一仙尾數都唔俾，應該又要上庭打官司
法律上將合約條款分為3類：condition, warranty, innominate terms
condition係最基本最重要既合約條款，如果對方違反 condition，你有權取消合約，尾數一仙都唔俾
warranty 係唔重要既合約條款，如果對方違反warranty，你無權取消合約，尾數四萬要全數付款，但你仍有權追討毀約金既賠償
innominate term 係 condition 同 warranty 之間，違反 innominate term 可引致嚴重後果或輕微後果；你有無權扣數，扣幾多，全由法官決定。你仍有權追討毀約金

個人覺得，傢俬呎寸錯似乎稱唔上condition，似乎係innominate term
你有無權扣數真係要睇下錯成點.....如果錯到離晒普或甚至用唔到，你可以尾數一仙都唔俾既機會應該幾大。如果錯少少，你就應該無權扣數；如果你堅持扣數佢甚至可以反告你毀約

所以，你宜家應該搵律師出律師信，首先警告佢搵收數佬既責任：如果收數佬淨係嚇你，民事上告裝修佬恐嚇，即使勝訴賠償都多極有限.....但如果收數佬整爛野，損失可全數透過轉承責任向裝修佬追討。所以嚇佢叫佢唔好搵收數佬，如果唔係有咩損失全部向佢索償

亦應搵律師民事起訴裝修佬毀約，追討毀約金之餘，亦可請法庭決定現時的毀約屬邊種，使你知道你有冇權扣稅，免去日後被反控毀約既後顧之憂

報警、搵律師la!


2009-02-10 20:12:38 補充：
最絕就係同報紙爆料~到時個個都唔幫襯佢 haha

唔駛驚,佢貨不對辦,你係有權唔比尾數住,首先你第一步要做嘅

係報警(記得最好帶到警察去佢鋪),第二係揾消委會告佢,成間鋪

要做生意,搞得越大佢仲驚過你,佢蝦你怕事,你就更加唔可以驚,

仲可以去D乜東東周刊投訴,你屋企一有事係人都估係佢做,到

時佢真係要揾人做你保鏢保你合家平安呀!(千其唔好比佢跟手

尾,扣錢算.

2009-02-10 13:12:20 補充：
你現在唔好接觸佢哋,報完警和投完訴等警察'消委會/周刊搞掂,不要因怕事退下.WIN

2009-02-10 13:16:09 補充：
還有佢話叫你去佢鋪同收數仔傾,你報警時可要求便衣警察同你一齊去.

呢個世界咩人都有,又係用呢D手法,報警啦。拉晒佢地。錢一定要扣啦,做得唔好，又講惡。不知所謂。