✔ 最佳答案
以一個很現實的問題為回答前提 : 商家佬為何打本出來做生意?
答案很顯淺 ─ 求財而已。
又另一個問題 : 為何有些富豪已有可食千世百世都夠的身家, 但為何仍不擇手段在乞兒兜拿飯食呢?
答案亦不難 ─ 利慾薰心而已。
以上答案是否可解答到閣下問題?
未夠? 又可以講多啲 : 僱主在經濟好不加薪, 大條道理說要維持利潤、保持增長, 維繫股東利益.....等等; 經濟差即炒人, 可以說成是在控制成本、保持與同業競爭力、善用人力資源.....等等; 反正理由可以一大堆, 目的只為「錢」而已, 但又難怪, 在商言商, 無錢賺搵鬼來做老闆咩! 如果自己有本事夾有本錢, 咪自己當老闆來過過癮囉!
2009-02-10 14:46:34 補充:
咁又唔好太偏激, 趕走晒啲老闆, 我哋啲打工仔咪要食穀種, 只要將那些為富不仁, 專搵低下層笨拾的匪類逐之、滅之、絕之, 就如十八子家族般喪心病狂之流, 以全民抵制他, 不要給他們父子繼續把持香港經濟和玩弄港人。
2009-02-11 14:40:25 補充:
如果高官薪酬同市民滿意度掛鉤, 咁係咪話市民唔滿意那位高官, 就可以唔出糧俾佢, 咁無人工收嘅高官你話仲會唔會做落去呢? 即係叫佢提早收工唧! 咁即係話變相高官都由市民「普選」出來喇! 但普選一個特首都咁辛苦, 仲話啲高官們? 你都係唔使諗哪!