舉啞鈴減手臂

其實無論你係男定女，幾大幾重幾高，要減肥或修身，都應該多做帶氧運動，例如游水，踩單車，都係每星期三次，每次 30 分鐘或以上就可以了。當然，如果你體能上承受得都的話，做得密一點，每次做耐一點亦可以，最緊要量力而為。

而且做帶氧運動自然會全身消脂，包括你想減去的 bye bye 肉，腰，肚腩，修臀等等，更會令整體肌肉變的 firm 點，唔會鬆泡泡；相反，世上沒有<局部地區成減肥>，一減就必然係全身減的。

相反，啞鈴對修身減肥的幫助比不上大氧運動的，你應該優先做帶氧，暫時不需要考慮啞鈴。而且我也不建議一般人自行舉啞鈴的，因為負重運動有一定危機性，如果做不得其法不但無效，重可能會受傷添。

就算你唔方便／唔想出街，響屋企一樣做到運動減肥：

- 搵一張穩固的矮凳，然後不停地踩上踩落 (慢慢地，向前踏上，向後踏落)，亦係每星期 3 次，每次 30 分鐘或以上。

當然，你真係想用啞鈴來幫助修手臂亦可以，不過你要先請教識健身的人士，學識個動作和姿勢，然後揀一個輕輕的重量，每次做4-5 組，每組舉 15 - 20 下，就可以收 FIRM 手臂又不怕變肌肉型了。

想買啞鈴的話，旺角波鞋街有幾間專賣運動用品的公司 (包括了樓上舖)，就有啞鈴賣及鉛袋一類的負重物，你是女孩子，最好買輕一的，又或者買可以調整重量的款式，一般三百幾就有交易，貴價的鋼水會靚 d，但反正只係用來舉，都無所謂了，不用花那個錢。

至於食物方面，必須要均衡飲食，千萬不能為了減肥而節食啊，亦唔好考慮甚麼減肥餐和營養代餐了，極其量只可以食少點油膩（唔係唔食油，只係唔好食得多，因為油脂都係身體必須要的營養）。

一定要攝取足夠碳水化合物和蛋白質，前者提供能量，後者則有助整體健康，兩樣都好重要。食唔夠的話會令身體乏力，無精神，容易病，更會影響你發育的！尤其你重係發育期間，這點你要特別留意呢。

不論你是男是女，唔夠營養的話，就自然連＜該大的地方＞都唔發育，你不想這樣吧？況且，唔夠長期節食會唔夠營養，遺害到你老的，例如老左會骨質疏鬆，絕不是跟你開玩笑的！故千萬不要依賴節食或用減肥餐和營養代餐！

還有，健康的減肥法是每週不可減超過 2 磅，要超過呢個程度的話莫說很難，而且會損害健康的，要切記。

詳細均衡飲食資訊可參考衛生署的<食物金字塔>：
http://2plus3.cheu.gov.hk/html/b5/index.asp?fname=index.aspx

衛生署的運動介紹：
http://www.cheu.gov.hk/b5/info/exercise_02.htm

最後想提醒你：無論減肥定做運動，都要持之以恆，世界上無一勞永逸的減肥方法的。

回答 (2)