倉鼠 眼睛有問題

唔同意樓上網友cslkaty部份既做法,問題較危險,希望網友唔好介意及可以留意一下:千萬唔好用棉花捧同鼠鼠抹眼,咁係好危險既事,整眼既時候鼠鼠一定會郁,而人既手都好難保證完全掌握得好好,只要是旦一方有少少郁動,就已經好易會整傷鼠鼠既眼睛,咁就會傷上加傷,可用藥棉唻抹眼

眼晴半合,眼紅,可能係角膜結膜炎,多數係因為環境污糟or整傷左隻眼引致既.因為鼠鼠既眼睛係凸出唻,所以好易會有呢個病
鼠鼠返屋企時已經有問題,應該就係之前已經生病,就算你覺得環境好衛生都好,同感染來源未必有關,但當然,衛生好同鼠鼠現況唻講係好緊要,不過其實好難令居住環境持續衛生,鼠鼠習慣用排泄物唻表示自己既地盆,所以訓覺既地方多數都會有排泄物,咁先會有安全感
鼠鼠唔舒服既時候,多數都會抓唔舒服既地方(咬到既地方就可能會咬埋),咁係正常,當然一定要處理好問題,愈唻愈唔舒服既時候,鼠鼠就會更加用力去整,甚至有機會將眼球整甩,所以唔好輕視問題

如果鼠鼠開唔到眼or有塵,可以幫鼠鼠抹眼
用藥用棉花,加少少微暖既水,抹下鼠鼠隻眼,如果係開唔到眼,就可以用極微既力去試下打開鼠鼠既眼(冇信心控制力度就唔好試),如果係有塵既話,應該可以打得開
就算開得返眼or抹返走d塵,都要小心,保持環境衛生,而且都最好去睇醫生處理,已有發炎既情況

同時建議你做既野如下:
1)角膜結膜炎多數係因為環境污糟or整傷左隻眼引致既.檢查下環境有冇d咩物品會整到佢
2)每次更換木糠時都需要肯定唔會太尖
3)如果有第隻鼠一齊住既話,有多隻鼠既話會增加細菌感染or乘虛打傷
4)如果佢係開唔到眼,將水,食物放近佢,如果佢都係唔識去食既話,要餵佢食野,睇下食唔食
5)鼠鼠眼睛咁樣,應該會對外界更加驚,所以冇必要都俾鼠鼠靜下,保持安靜
6)保持個籠乾爽清潔,減少細菌感染既機會
7)眼疾好難自己去醫,所以最好就帶鼠鼠去睇醫生啦,市面上我都見過都有d眼藥水既,但係咪真係適合用就好難講,始終就咁講唔可能100%肯定係咩問題.所以最好係去睇獸醫
大圍珍禽異獸及寵物醫院 DR.TIGER/DR.LAM
Tel: 2687 1030地址:大圍積信街75號地下
http://www.taiwaiexotic.com/
平d可以睇愛護動物協會,但嚴重既話,都可能會叫你睇大圍,因為設備不足.加上醫療車冇得揀醫生
愛護動物協會診所資料:(需入會) 馬嘉妃醫生
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html

BB眼仔紅左的原因如下:
1) 眼仔沾染到尿尿
2) 眼仔有眼垢
3) 眼仔無清理過太污糟

其實你可以幫BB用温暖的熟水清理一下眼仔, 程序如下:
1) 首先準備一枝棉花棒
2) 用熟水沾濕棉花棒
3) 再輕輕地在BB的眼仔上滾來滾去清理眼仔

建議最好每天幫BB早晚都清理一次, 直至左眼有改善, 之後就一星期一次清理雙眼便可.

不過BB雙眼的問題經常都會受到忽視, 所以以為只需幫BB清理身體就夠, 其實眼仔同樣都要清理.

只要勤些幫BB清理雙眼, BB就不會再出現眼仔紅或張不開的情況了.