新手養金魚仔...thanks a lot~

1: 生物環係咪只係一個環狀嘅嘢?係咪每個掛濾都有?
生物環有幾種既,不過常見既係陶瓷生物環,
而閣下所講係正確,佢係一粒好似指環既咁白色物體,
如果表面有孔,效能就更高~
另外,以我所知 aa牌既套缸濾水器會包幾粒黑色既圓形物體,
佢地係生物球,同樣係養硝化菌既~
至於生物環係咪個個都有,我唔清楚,
因為唔同牌子都有唔同,
我買過兩個掛濾都無發現佢地有包生物環既~
2: 濾水器入面啲活性炭洗唔洗換(因為我見到係無得"擦"出嚟) ?如要,幾耐換一次?
濾水器入面既活性碳需要拎出黎沖一沖水,
主要沖走佢地表面既微粒~
至於換就需要換,因為活性碳效能只有一至兩個月,
而掛濾係固定左換唔到,我清楚,
要換就可能要出去配,又或係將佢強行拆出黎,
另外用濾棉包住d碳放入去~
3: 魚缸只養一條魚的話,啲魚魚會唔會悶?
一個缸一條魚就唔一定會悶,
不過你如果想加多幾條魚都無問題,
但加魚就要睇下有冇超養、岩唔岩牙、適唔適合等等~
4: 唔買水"boom"得唔得?
你依家魚缸有9條魚,而且係金魚~
金魚強項係屙屎,如果無濾水器,
我怕你要隔幾日洗一次魚缸~
氣泵唔買無問題,氣函功能得一個,提供氧氣,
而濾水器除供氧外,仲有過濾效能,
所以我建議裝濾水器多於氣泵~
5: 養水草除了裝飾仲有咩功用?
如果閣下養緊金魚,我建議唔好養水草~
金魚會咬水草,另外佢地動作大都會令水質周圍飄,
我既舅父就試過咁,扎好左放係缸底,
點知唔駛一日,d水草就甩晒出黎浮上水面~
養水草除裝飾外,
仲可以令佢進行光合作用,釋放氧氣,
但係氧氣供應同時有限,晚上無光就會吸氧,放二氧化碳~
6: 黑色同白色嘅濾綿有咩分別?點用?
黑色既棉係有好多大既窿窿,
佢地叫生物棉,用係龜缸比龜爬上去,
或係掛濾入水口作阻隔蝦隻、幼魚之用~
白色既棉係好密,叫濾棉~
主要用係濾水器入面阻隔污糟野之用~
7: 魚魚容唔容易繁殖,什麼季節繁殖?
金魚一般要大至十幾、二十cm先會繁殖,
有部分魚就好易繁殖,例如孔雀、波子、米奇等~
熱帶魚係全年都會繁殖,.
但係都要由天意決定,唔係話生就生~
8: 魚魚會唔會越養越大條?
魚係一定會愈養愈大,因為閣下都有常識,
唔係一出世就咁大條,
一定要養先會大~
至於大既程度、速度,要睇咩品種,
例如燈魚就係體型細既魚,金魚可以細,亦可以好大~
9: 養金魚適合酸性定鹼性水質?
你會見出面好多養金魚既都係清缸,
原因係佢地屙屎太勁,唔可以放野落去積聚排泄物,
另外就係清缸就無影響水既ph值,
一般維持中性7.0~
而養金魚既ph值最好係中性至弱鹼性,
7.0-8.0左右,
但係都係偏向中性好d~