喜靈洲出獄問題?

簡單嚟講, 犯人如果行為良好, 無加監, 職員又無計錯數, 就會在犯人身份証(俗稱 "牌仔")上的 EDD日期 (Earliest Discharge Date - 最早釋放日期)當天早上出獄.
在EDD前一個月, 懲教署職員會覆核所有文件, 並計算多一次犯人的刑期, 然後叫犯人到指模房見總主任(Chief Officer, 俗稱 "CO"), 由總主任確實犯人出獄日期, 俗稱 "見一隻". 在犯人出獄前一日, 總主任會再覆核所有文件, 並計算多一次犯人的刑期, 然後叫犯人到指模房見監督(Superintendent, 俗稱 "Super"或 "阿一"), 由Super簽署確實犯人出獄日期, 俗稱 "見一日".
出獄當日晨早食完飯後 (通常d人都唔食果餐), 會到指模房見阿一或CO, 跟住呆坐. 等d新人 / 過界 / 出去上庭, 睇病犯人搞掂哂先, 再俾佢換衫. 然後數包頭 (點收入獄時存在獄中嘅私人物品), 點收最後一期工作糧金, 同點收懲教署每月代為儲起嘅部份糧金. 再由保安職員搜身(費事佢幫人帶信件出去), 然後由保安職員帶出大閘去碼頭. 通常懲教署班船係約12點去坪州, 再轉公共渡輪出中環. 去到中環大約當日下午2時.
如果出冊當日係星期日或公眾假期, 咁就會提早在上一個工作日出獄. 例如遇着年初三出冊, 就可以提早在年三十走.