有關產前放假問題

僱傭法例規定，懷孕既僱員凡接受產前檢查、產後治療，甚至係因流產而缺席既日子，每一日都被視為病假，亦會有病假津貼，不過就一定要有"到診紙" 或 病假證明信
而母嬰健康院所發出既到診紙亦有法律效用，所以你交到診紙比僱主，當日既上午或者下午都會係病假，而且係有薪病假 (當然你要有足夠既病假日數先有津貼架啦)
一般母嬰健康院同政府醫院所發出既到診紙都只限半日，因為佢地覺得產前檢查唔係病、唔需要休息，所以多數都唔會比全日既。但係若果你係去政府醫院，而你檢查既時間係接近中午，咁你可以試下同個醫生講，番到公司已經過左下一段既開工時間，公司會照扣錢/扣假，咁就多數都可拎到全日既到診紙。當然未必一定會個個都肯寫全日比你啦，若果你睇完果時都只係11點，咁醫生就未切寫比你架喇
如果你真係想請全日既假期，一係就睇私家，一係就自己請半日，不過就會扣大假/扣錢囉

政府醫院同埋母嬰健康院一樣, 去做產檢都會比張到診紙比你, 但大多數只寫上午/下午, 要FULL DAY OFF就要去私家做產檢喇


其實仲要睇你間公司同你簽果份合約而定 ,好似我自己個POST無有薪病假, 唔返工就無錢, 仲扣埋勤工添

所以我果時做產檢, 政府醫院/母嬰健康院會寫到診紙比我, 佢會寫明係上午定下午到診,

我一律都FULL DAY OFF, 反正都無錢

如果你係有有薪病假, 但去政府醫院做產檢, 而到診紙寫明係上午, 你下午又無返工, 你公司係有權扣勤工架

母嬰健康院假紙不當病假計算的,要私家醫生或政府醫生假紙便可以為病假紙啦.但都要有寫三日以上假紙,才可以出糧的,人工有四分三.產前檢查祗可以請半日時間啦.