✔ 最佳答案
1) 財務管理叫Financial Management, 主要學點睇及分析財務報表、capital budgeting、cash flow、financing、收購合併、corporate finance、衍生工具、債券、股票、學計算風險回報、財務策劃等.
會計主要包含財務會計、管理會計、審計及稅務. 財務會計要學香港會計準則, 根據香港會計準則去幫公司製作財務報表. 管理會計負責分析公司成本及幫公司做預算. 審計就要睇客戶和編製的財務報表是否根據香港會計準則編製, 以及是否公平地反映公司狀況, 然後發表意見, 簡單講就係check下有無做假數. 稅務就要學香港稅例及不同稅項.
以上係大學level的知識. 兩者都要計數, 不過finance的數可以去到好深.
還有要更正樓上一點, 會計文員唔可以只用工作經驗升做HKICPA認可的會計師. 有些公司雖然有會計師, 但係無考牌, 所做的工作與CPA認可的會計師有分別. 做CPA要考試及有最少3年認可經驗.
2) 讀finance可以做分析員、財務策劃員、管理見習生、財務產品推廣及交易員等, 甚至讀多一個conversion course, 準備將來考牌做會計師都得. 會計可以考牌做會計師、評稅、核數員、內部稽核、公司秘書(要先拿到CPA牌)等.