兩個有關預算案的問題？

1. 好明顯，港府如果要派，佢一定夠錢派。我估佢既意思係：港府收入未多到可以派錢既地步。

曾司長唔派有好多好原因：

首先，外匯儲備唔係拎黎派既。每個國家的中央銀行盡力維持自已國家貨幣在一個穩定的水平，金管局都唔例外。當港元被瘋狂拋售，金管局便會動用外匯儲備購入港元以穩定匯價。

第2，未派錢，政府已經有財赤，唔通仲周街派錢加大財赤？任何政府既目標都係滅赤。叫政府派錢，等於叫一個入不敷支既人更加揮霍，洗多d錢!

第3，派錢呢樣野其實治標不治本。市民拎到錢，轉眼間洗左佢，長遠解決唔到生活問題。

第4，派錢比其他還富於民措施的效果較細。市民可以將錢存入銀行，達唔到增加消費既結果。而且，派錢會帶來通漲，長遠影響市民生活。所以，政府寧願洗錢係基建都唔派錢

第5，港元儲備係應付突發事件和其他支出。如果金融海潚要救市都係拎依d錢黎救。

2. 驚咩？講到唔洗還咁既樣。發債之後到期係要還既，仲要俾利息添。咁政府咪又係要一 般帳目中，撥款支付債券利息。

港府事實上曾於2004年發債 二百億元，包括兩個部分。其中零售部分分為兩年和四年期，機構部分分為五年、十年和十五年期，以解決財赤。所以，2004年d債卷部分並未還清

何況，政府d錢唔係擺係到發臭，大部分儲備已投資左

即使派左錢政府會財赤，甘政府都可以發行債卷比市民買~呢句咁都講得出口。等於叫一個人捐錢捐到無曬然後問人借!

係咁批抨政府唔派錢既人，非常短視，亦對理財、經濟毫無觀念


2009-02-08 14:03:15 補充：
本人認為，現時派錢並非刺激經濟的有效方法，亦唔係負責任的理財方法

　庫房有多少盈餘，與外匯基金有多少儲備是兩碼子的事，我們不能把他們混為一談，外匯儲備萬不得已也不會隨便動用。
　而政府一貫的理財原則，都以量入為出為主軸，庫房有豐裕盈餘時，政府自不然會派糖回饋市民，但倘若政府出現財政赤字，市民便須與政府共渡時艱。
　現時盈餘三百多億，實在不算太多，因為別忘記政府還有不少利民紓困措施還未落實，如每位打工仔獲派六千元強積金等，當連這些糖都派完時，政府實在所餘無幾。過去政府都有發過債券如五隧一橋債券，用以將資金作維修隧橋設施等。