由香港返江門搭直通車的詳情

我黎緊2月中(平日，星期五)想返江門玩，
但我之前都返過，不過每次都係搭船，今次想試下搭車，
上完中旅社個網睇完，有好多問題想問，希望大家都可以幫下手解答，萬分感激!!
1.幾間巴士公司，有冇咩大分別(粵港汽車﹑中旅汽車﹑環島﹑廣通)？
2.承上，邊間信譽好d？會坐得舒服d？
3.經唔同口岸返去，時間上會唔會有唔同？(皇崗﹑深圳灣﹑沙頭角)
4.承上，有冇話邊個口岸會安全d ga呢？
5.一般車程要搭幾耐？
6.我見d價錢都係$110/$120起，其實一般係幾多錢？
7.其實落車點，除左銀晶酒店，其他我都唔係太識，但我會o係早上/中午返去，所以想問「江門勝利分站」﹑「江門富爾文華酒店(舊長潤酒店)」﹑「外海銀河酒家」﹑「江門龍灣高速公路收費站」呢幾個落車點，邊個會同市中心(近僑都酒店附近一帶)的距離會近d？
8.承上，由於唔太熟識落車點，我落車後多會搭的士去僑都酒店附近一帶，會唔會好耐？車費如何？
9.同埋由於我第一次搭車返去，想問除上面所問，仲會唔會有咩要注意？
10.車票除左網上即時買之外，仲有咩方法？係咪親身去任何一間中旅社都買到？定係有指定？付款方式有冇咩特別限制？

最後，希望各位可以盡力解答我以上的所有問題，如果淨係知部分，都希望能夠回答到我，萬分感激!!