DC影花,點影到backgroud係黑唒,點做到?

背景全黑主要是因為前後景的光差大.
例如前景好光,背景光度比較弱,咁當光圈快門組合令前景曝光正確時,後景自然曝光不足,顯得暗或甚至全黑.
所以要背景全黑(唔計擺張黑紙喺後面),就係要搵個光差夠大既環境.搵唔到的話其實可以靠閃光燈幫手.在一般室內燈光環境,其實是頗暗的.只要iso夠低,快門夠快,光圈夠細,基本上影出來就係全黑,但在咁既照明環同設定下,主體一樣係全黑,這時只要用閃光燈照亮前景便成,其實效果有點似在酒樓用自動閃燈影相差不多,不過要留意為咗要背景全黑,背景要夠遠,否則會給閃光燈照到.
DC雖然冇得較光圈快門,不過開自動閃燈的話快門都會自動變快避免受手震影響,只要唔好用自動iso,用最低iso就得.
當然打燈代替閃光燈都得.

2009-02-09 10:17:37 補充：
打燈原理其實用用閃光燈差不多,佢比用閃光燈好係佢可以唔一定由正面閃過去.你可以因為花朵既形勢將燈光佈在不同位置射落去控制陰影的位置.而且可以用多過一盞燈.
不過燈光冇閃燈咁光,唔可以一下子完成曝光.需要配合腳架影,而且燈光色溫唔同閃光燈,拍攝時要注意白平衡.多燈的時候,千萬唔好一盞用燈泡,一盞係光管.
至於要背景全黑就真係要搵間黑房影先得喇.