新買回來的小狗要注意的 !?

滅聲器我就唔建議你用
隻狗會好痛(聽人講)
如果真係好嘈就唯有割聲帶~
再唔係就好似我咁
你放佢係間房度關門,
你出街個陣關實大門,就算佢好嘈,
都應該唔會好大聲嘈到人地掛(我估- -)
我都係住屋村,我都養左3隻松鼠~佢地有時都好嘈!
不過我到依家都冇俾人投訴!
不過你要睇下你隻狗係唔係冇人係度就叫!
如果真系,咁你就要了解下佢做咩事會叫~
咁先至有幫助~因為佢地應該唔會冇啦啦咁叫!
如果吾系就治標吾治本。

你隻狗幾多歲?唔污joe就唔好沖!依家又系冬天!
如果佢唔小心傷風病左就大件事!有機會死!
見你咁問你應該未幫狗仔沖過涼!
就唔好試啦- -仲有!你千其唔好用洗頭水!
你記住狗同我地人唔同,沖涼要去返寵物店buy返岩佢用既
沖涼液,你用洗頭水會有皮膚病~千其唔好用!
如果真係好污joe你就同佢去寵物店沖會安全d!
大約依家一個月沖1-2次都0k~如果真係污joe~

細個就困籠... ...大個就可以用報紙教佢~
你見佢呵系d唔岩既位置就要惡d佢講no!
可以用報紙或用手拍下佢(千其唔好打到佢鼻同頭)
一直咁落去佢會明的!

坐下=用零食引佢,用手按住佢pat pat令到佢坐低,
同佢講sit,再俾零食佢食讚佢g00d~(應該會好快識)

俾手=同上差唔多~不過系拎起佢隻手!

扒低=同上都係差唔多~不過系按住佢訓係度!

轉圈=用零食圍住佢個身轉~佢會跟住你個零食轉,轉左一圈
就讚佢,俾零食佢食!



依d系我教我d狗仔既辦法~佢地系用記憶黎學習~
要慢慢黎~唔好心急!做得多就會識架啦!
你可以上網搵多d狗仔資料睇下!
希望幫到你啦^^

其實狗時時都因為好多原因吠,如果長期用滅聲器,對狗有傷害

如果係吠人或者吠狗,你應該由細隻戈時俾佢多d接觸人同狗

令佢唔會對陌生人同狗吠,如果係一隻狗仔本人覺得唔應該單獨留底佢係屋企,咁會好危險
通常狗仔岩岩買返屋企都會係夜晚戈時叫,你可以係狗狗床邊放一個鍾,要有指針ga,鍾發出黎ga的達聲同狗媽媽心跳聲好似,咁就可以令狗狗放心咁訓教

狗仔係2個月大戈時唔可以沖涼住,因為太細隻未有咁強抵抗力,如果真係覺得唔沖唔得就要用乾洗粉係寵物店可以買得到

最少3個月大先可以沖涼,平均2個星期沖一次因為如果沖得太密會沖去狗狗皮膚分秘ga油脂,令到狗狗皮膚乾燥或者有皮膚炎(但狗仔3~4個月唔洗沖得咁密)
要用返狗用ga沖涼液,唔可以用人ga洗頭水,狗用沖涼液都可以係寵物點買到,但要留意返狗狗皮膚係咩性質,唔好用太乾性ga沖涼液

同埋如果2個月大係唔可以帶狗狗出街散步,都係因為抵抗力問題

要幫狗狗打齊針先好出街
教狗仔去廁所ga方法
首先你一定要有耐性同有恆心先可以成功地訓練你ga狗仔.同時,當你ga狗狗做岩戈時你一定要以關懷同愛心去獎勵佢.要緊記,狗仔同bb一樣需要時間去學習.

試下幫狗狗定幾個去廁所ga時間,例如每日早上ga首先要做ga野,餵完狗狗之後,如果佢係屋入邊到周圍聞咁就表示佢要去廁所
馬上帶佢去外面或者係佢要用ga廁所,陪住佢,等佢去完之後先俾行開,如果佢做到就摸下佢個頭讚佢.

如果佢係你面前痾係地板,你應該用惡ga聲線講”唔准或者no”再立刻帶佢去廁所方便,強調你對佢ga要求,絕對唔可以因痾係地下而打狗狗,應該用惡而嚴厲ga聲線及去表現你ga不滿
用消毒劑張狗狗小便ga范圍徹底清潔,再用d市面上ga除臭劑張戈個地方洗乾淨令狗狗唔會再係戈到痾.

重有就係如果狗狗係地下大小便左,10~20分鐘後主人再發現,而去鬧佢,可以講係絕對冇用,同會令狗狗驚佢對你反感
因為如果唔當住係狗狗做錯戈一刻鬧佢,而事後發現先鬧佢,狗狗絕對係唔知你做咩鬧佢
因為狗狗諗野係用一條算式黎計ga就好似,係呢到小便+主人=俾主人鬧,只要事但冇一樣條算式就唔成立
所以狗狗就唔會再係到小便,要記住狗狗做左咩錯左一定要當埸捉住佢,事後追究絕對係晒心機
當狗狗係地下小便左而你又當埸捉到,但都唔好就咁鬧,你要細細力咁逼狗狗聞下自己d大小便,再同佢講no
岩岩教狗狗大小便,最好用一個狗廁所上邊放一張報紙,咁樣會比較易學,係餵完狗狗食野之後就帶佢去報紙到等佢去完先俾走
狗狗重細所以去廁所會比較多,所以主人要留意狗狗ha舉動

順帶一提狗狗禁食ga食物
朱古力含有咖啡因同一種叫可可鹼ga成份，呢d成份對於狗ga心臟同中央神經系統造成好大傷害，狗食左過量呢d物質好容易會中毒死亡
洋蔥,蔥,蒜頭係絕對唔可以俾狗吃ga食物。洋蔥對於狗同貓ga血液,有強烈ga毒性，會溶化紅血球。嚴重ga話會引起急性貧血,會有生命危險。洋蔥ga毒性,就算切碎煮，煎都唔會消失。
由雪櫃拎牛奶俾狗飲好多人都會做，但事實上對狗ga身體有害。對於身體重未完全成長ga狗仔，凍牛奶係造成肚痾ga原因。所以俾牛奶戈時一定要將牛乳加熱到人肌膚溫暖ga程度，而且只可以餵一少少。(有d狗狗腸胃對牛奶敏感就算成年狗飲都會肚痾)



唔可以食骨，例如：雞、鴨、鵝,牛,豬等等...... 一般動物ga骨頭 較硬而且尖，容易爆裂成尖刺形狀。係吞戈時容易卡傷食道或者吉傷狗ga口同腸。
提子同提子乾 狗食得太多份量就會引致腎功能失效,如果唔醫的話,狗狗會因為咁而死亡.

油膩ga食物含有高脂肪，會令狗癡肥同引起危及狗生命ga胰臟發炎症。而且令狗習慣左味道重ga食物，會導致狗ga口味變得更加重，形成狗咀刁習慣。

長期食甜ga食物，會導致狗容易有糖尿病同癡肥。而辣ga食物，因為太刺激關係會令狗味覺麻痺唔可以食野。

尤其蝦蟹等貝殼類食物，好容易令到狗狗隻肚痾同生蟲。

有人會用鹽去刺激中毒ga狗嘔，但其實少過1/2茶匙ga鹽對狗黎說已經係足以致命。