法律及破產問題

我姐姐的前任丈夫現時已宣佈破產, 信託人現發信通知她是否會購買其聯名擁有的一層樓宇, 現有以下問題請教:

(1) 因現時她與其未足18歲的的兒子共住, 如不同意購買, 信託人是否可以變賣其物業所佔的股份? 如有買家, 是否買家有權入住其住所?
理論上可以。實際上唔會賣。太多問題，無人會買，都無人會同做賣買代理！
見：http://www.hkiva.org/viewthread.php?tid=387&extra=page%3D1
及
http://www.hkiva.org/viewthread.php?tid=342&extra=page%3D1

(2) 離婚時, 法庭已判決此樓宇由她和兒子暫住, 直至其兒子18歲才需歸還其物業股份給他, 會否因此點而信託人暫不可變賣其物業所佔的股份, 直至其兒子18歲?
唔會發生，見上。佢已經破產，個資產已交破產署。
因為唔會有人買，所以破產署想你買番，因為係實際上，只會你肯去買。其實你可以以一個比市場上低好多的價錢買個一半。你應該諗諗，有 jetso

(3) 如一直沒有買家, 四年後其丈夫破產令又到期解除, 其丈夫會否不用還錢又可擁有其物業股份?
無架啦。資產已交左比破產署。

(4) 真的會有人願意購買物業之部份產權嗎?
見上

(5) 如兒子18歲時, 其丈夫要求取回其物業股份告上法庭, 可否要求法庭以其 丈夫欠付之生活費抵扣? (此生活費是離婚時由法庭判決的, 而他一直未有支付) 還是要先法制人, 在兒子接近18歲時先告上法庭追討其欠付之生活費?
唔得架啦。都唔係佢個羅。你都追唔到，因為所有債都無架啦。唔係咩叫破產。

請好心人幫忙提供意見. 不勝感激!

去破產聯盟問下啦。我地係一班已破產或正在破產的人！

1. 丈夫破產, 間屋現在已經被破產管理署釘左契, 而不能轉譲或買賣. 但姐姐仍可與兒子在此居住(只要佢仍有供樓).
破產管理署會出信給姐姐, 要求佢:
a. 賣左間屋, 然後將收入的50%(屬丈夫的)俾破產管理署, 作為還債. 或
b. 要求姐姐出錢買埋丈夫果50%業權. 收入俾破產管理署, 作為還債.
法律上姐姐沒責任應允以上(a) 或 (b), 佢唔理封信, 咁破產管理署亦奈唔何, 唔會有人收樓, 亦無人可趕佢哋走. 但間屋會一直被釘契, 不能轉譲或買賣, 成膠著狀態.
2. 你要搞清楚, 丈夫離婚時係將層樓一半轉咗俾兒子, 定係兒子只係享有居住權至18歲. 正常過案係兒子只係享有居住權至18歲. 如果真係法庭下令將50%業權轉咗俾兒子, 咁理論上層樓同丈夫巳無關係, 咁OR (破产管理署) 亦無權追層樓. 而家OR追層樓, 即係業權無變 (姐姐 / 丈夫各50%). 所以應該係兒子享有居住權.
重有可能法庭下令兒子以信託人身份, 託管丈夫果50%, 直至佢18. 但 (a) 無理由咁複雜, (b) 而且兒子未夠18, 係唔可以做别人信託人.
所以應該係兒子享有居住權. 在此情况下只要姐姐唔同意賣樓, 亦無人可趕佢哋走.
3. 姐姐一日唔同意賣樓, 層樓一日釘住契. 就算破產期完結, 丈夫果50%都唔會俾番丈夫, 因為巳經由OR託管. 兒子可免費居住至18歲. 但OR理論上有權在兒子18歲後向佢收取市值租金.
4. 理論上不會.
5. 正如以上咁講, 我諗兒子只係擁有居住權而唔係50%業權. 所以不存在 "兒子18歲時丈夫要求取回其物業股份" 問題.