點解愛情甘煩?!_!有冇人可2比一個方法我;;我要忘記一個人

你應該要知道,人唔會無啦啦忘記到一個人~

你想忘記,因為佢hurt過你;你覺得hurt,係因為,你愛過佢~

你朋友俾你既建議近乎廢話~如果用咁既方法就忘記到,地球上既人,好少會為愛情而煩惱~當然,我都俾唔到好既方法你去"忘記"佢~

只有時間,只有淡化,不會忘記~~

你每日提醒自己:我要忘記佢~即係提醒自己,唔好忘記佢~你認為你意志可以勁到,用念力驅趕你既思想??你每日出街前係咪都對住塊鏡講你好靚女果d人黎??

醒下啦!!

你何必呃自己??仲係鍾意咪同意左去囉~你呃到佢,呃到你朋友又如何??夜閑人靜,望住個天,你會諗起邊個??"閉起雙眼你最掛念誰"~佢點衰點壞對你點差都好,你就係過唔到自己"感覺"哩一關,因為,感覺既野,係冇得出賣,係最直接,冇虛偽既一面~

當然,你下定決心唔再同佢一齊,要放低佢(唔係忘記,你冇可能做到架),請你有心理準備(有都冇用,冇就更死),你會一個人去面對艱苦日子~因為,哩段時期可長可短,但都係你一個人去承受,你同朋友傾訴,佢地最多陪到你一時半刻;日日夜夜既掛念,邊個可以同你分擔??咪你自己囉~~

時間總會過去,日子一日復一日咁過,慢慢你會發現,你仲係鍾意佢,不過,已經番唔到轉頭------時間,係感情最大既敵人~而且,你都放低左佢~佢,只會成為你,人生入面既一個過客~

請相信我,我係過來人,我用左2年多既時間,都只係將我心中既只愛淡化,尚未放低~就更枉論忘記~

我會建議你用一個方法:反省。反省你地之間既任何野。因為只要你地分得手,而你又覺得佢係壞人,其實你地之間既關係根本經唔起反省,一旦仔細惗過之後你就會發覺,你對佢既「餘情」或者「思念」有時只不過係你一直既「習慣」。試下認真惗下,你到底鐘意佢d咩?你地之間又有咩咁值得你懷念呢?請試下呢個方法。

可以用時間沖淡一切,三年半載便會忘掉一切.

呢種感覺我曾經試過,真係好辛苦,
我以為我做唔到忘記佢,但係時間可以沖淡一切,
只要你有自己嘅生活,有時間搵下朋友,
生活不是只有愛情,有很多事情等你做,
你可以搵d興趣班學下嘢,
要好好愛自己,每一日都要將自己最好一面見人,
希望你可以忘記佢,有自己嘅生活

我很明白你的感受，當你記起你d fd 叫你不要記住佢，但你又會知道你要自己不想記起的是誰。生命就像一塊餅要靠你自己怎去分配，你願意將你一生的時間就愛上一個你覺得唔好的他？
不要常去找他，去做其他的事情，但當你唔開心或很掛他的時，都可以哭一片，哭其實可以舒發情緒，記著越容易得到，就越不珍惜。可以add我！[email protected]

順其自然 不用刻意記住
時間會把它沖淡

2009-02-06 22:42:28 補充：
就和睡覺一樣
你刻意去令腦子不想其他東西來讓自己睡
反而會睡不到

你讓腦子繼續想
就會不經意的睡著了