怎樣才能改善說話能力?

樓主，你和小時候的我有點相似。

由於文字,說話都是同等重要，所以說話,朗讀,讀故事都要有足夠的聲量,咬字清楚,節奏適中,抑揚頓挫,知道自己想表達的事物，這都是不可或缺的重要事項。


拿報紙,周刊,小說,網絡的資訊，作為朗讀的材料。

從頭開始，當清楚的讀出一字，就可以讀下去。與此同時，說話節奏,聲量,抑揚頓挫要因應文章或字裡行間想表達的意思而時快時慢,時高時低時平緩。

不能毫無變化，這樣會令人感到死氣沉沉，悶到抽筋。


有時別人說你，未必是有意的說出來，根本就不知道會傷害你。再加上就算別人真的是有意，但別人說得你沒錯，那你就要反省and改變，不要逃避，勇敢面對，才是正路。


字=十木

說一字，心又會跳了幾下...
因為你說話能力不高，對這方面毫無自信，再加上經常被人x評，令你更加無地自容，只好隱藏自己的聲音，作為一個少說話多做事的人。
簡單來說，你是緊張。

你要令自己明白幾項事情。
說話是人們不可或缺的溝通表達的方式之一，說話的本身並不可怕,可怕的是說話者的內心(部份人)，快點改善就可重拾自信,人生也會大大改變。

的確，大聲說話會傷喉嚨聲帶，但是大聲並不是大叫的那種大聲，而是正常人說話的大聲。再加上人每說一字，聲帶就會x動許多次，長期會傷害喉嚨聲帶，所以要多飲護喉的飲料,少飲食[氣]水,油膩食物等刺激食物。

假如你真的想不再怕，先要把你的問題一一解決。當問題解決了，你就會認為說話並不是之前想的那麼難，而是這麼簡單的事情，說話也可以表達到自己想表達給別人知道的意思，也可以用這張嘴說出許多不同類型的說話。習慣成自然，習慣了就不會再怕。

聽落﹐你應該係好容易比人影響到0既人。

朋友話你講0野唔好﹐你就唔開心﹐同埋素性唔講。 咁樣﹐其實好消極。

改善本身的能力有好多方法﹐但係咁樣問﹐都係治標不治本﹐即使透過閱讀﹐唱歌﹐讀報紙﹐可以改善聲線﹐發音。 但係如果仍然容易受人影響﹐其他方面一樣會帶比你問題。

發音方面當然要改啦。 要留意0既重有自己0既性格。

如果你講野真係有可以比人挑剔的地方﹐可以想象到有兩個情況。
1) 有人好聲好氣咁同你講。
2) 有人用好差0既態度﹐甚至嘲笑形式同你講。

前者當然OK啦﹐不過你介意0既﹐應該係後者啦。

有人對你好﹐唔係必然0既。 你只要學識睇事實﹐如果人地講0既都係真﹐你的某一方面真係有值得改善﹐咁就對住個事實﹐唔駛理人地個態度啦。

有唔好0既地方﹐有人同你講﹐或自己發覺﹐就搵方法改。 成個過程﹐根本唔需要有唔開心0既存在。 呢個世界無一個人係唔需要改善0既﹗﹗ 李小龍要﹐李嘉誠要﹐李嘉欣都要﹗﹗

改善說話技巧之餘﹐同時要同自己的信心增值﹐你要了解﹐好聲氣同你講﹐同態度差同你講﹐都係同一樣野﹐都只係比你知道個事實。 無人有義務一定要好聲好氣同你講野0架﹗

呢個世界唔係一起身望出窗就見到彩虹﹐鳥語花香﹐大家互助互愛。 改善這一方面﹐只是這一次的難題。 不學會接受不善意的批評﹐容易受人影響的話﹐以後各方面仍然會不斷出問題。



2009-02-07 21:37:44 補充：
講0野細聲﹐就講返大聲D就OK 啦。 呢件係一件好難做0既事咩﹖ 有咩好驚﹖ 唔係叫你大聲到好似鬧人咁嘛﹗ 只係提昇返到一般水平0者﹗ 平時大家大概咩聲調講0野﹐你都知0架啦﹐對住塊鏡﹐自己同自己練習一次﹐就OK0架啦。

做人無0野係唔得0既﹐除非做之前已經同自己講話唔掂。 大傻或者八兩金就咁行出街都唔驚會嚇親人啦﹗ 要將自己講野聲量提昇﹐無咩技巧﹐有信心﹐練一兩次就得喇。

每次遇到問題﹐就細細聲同自己講﹐ “咁小事都做唔到﹖ 以後日子點過呀﹖”
慢慢就得0架喇。

1.你試下讀報紙,一定要讀出聲

2.唱歌,最好跟字幕唱,如果跟到拍字唱,你就成功啦

3.就算人地話你太細聲,你都唔可以太大聲叫出來,因為會整壞聲帶