HELP~!!激嬲左男朋友~!!

人生所有的事情都是一樣﹐沒有一個不犯錯的人。 你知錯﹐是好事。 但係唔好得個講字。 氹只可以係一時﹐日久見人心。 佢再次對你失信心之時﹐就係你地分手﹐兼朋友都無得做之時。

你bf都算係咁0架喇﹐每個人都有個hot button, 係點都唔掂得0既。 聽你講都知佢火都黎﹐但係仲肯比機會呢段感情﹐唔係個個有2nd chance, 要好好珍惜﹗

錯? 就問自己錯係邊﹐知道就改﹗ 非常簡單﹗

其實﹐講粗口係女人大忌。 男人間中講比女人聽到已經好失禮﹐仲要掉番轉﹐死梗啦﹗睇返前面原因﹐原來仲要係為左去玩咁小事﹖ 當然﹐佢同你約好﹐咁遲先甩底﹐佢都有唔0岩﹐但係都係小事情0者。 相對﹐如果佢背住你有第二個﹐你有咁0既反應﹐我反而可以理解。

唔好話男女平等。 除非有一日﹐兩公婆搬屋﹐要個老婆黎托雪櫃﹐要個老公黎生仔。 咁先同我講男女平等啦。 我地(男女)與生俱來就係唔同0既﹐各有各0既責任﹐文化上都令到我地有分別﹐男女各有禁忌﹐理所當然0既。 無平等呢回事(當然唔係講緊響職場上的定位啦)!

1) 男人要面﹗下次有機會﹐同佢D朋友相處﹐專登扮鵪鶉比bf睇到。 上次響friend面前無面﹐今次比佢威番次點都要喇。 倒茶遞水﹐任勞任怨﹐當係做場戲都好﹐點都走唔甩。

2) 粗口﹐一定要戒﹗ 重要同自己最親密果個講添。 我係男人﹐都未試過同自己gf講粗口呀。

3) 佢仲嬲緊﹐就唔好再提番件事喇。 當無事發生過﹐自己整D小禮物呀﹐整cookie比佢食呀﹐幫佢按摩呀等等。一D用錢買唔到0既﹐你要付出0既﹐表達到你有一個小女人(唔再係果個成日鬧佢/發脾四0既人)的一面0既0野先有效。

說話個個都識講﹐但係人只相信自己的眼睛﹐明唔明﹖ 講一千句不如做一件真係有意思0既0野。 呢個絕對唔係講0野0既時候。佢會buy邊套﹐就真係無人比你更清楚了。 與其問人﹐不如戙高枕頭想清楚啦。 呢D心思都唔肯花﹐如果佢受邊套你都唔知0既話﹐咁就真係大件事喇。

機會只有呢段時間﹐只有呢一次﹗ 希望你把握到﹗

我覺得你首先要改了自己罵粗口的壞習慣。你要凡事都很細心，要表達到你----愿意為了他而改變。有時候還要有意無意的問問他你在他心目中的地位，如果他要想一想再告訴你的話，即使代表你還達打到他心目中的第一位（以防他心目中還有其他的女人）。