16日英國,法國自由行機票出入問題?

正常好多package來回都要同一個地點... 不過你可以睇下 國泰航空 或者 英國航空 佢地既promotion, 有時佢地會有歐洲既package, 可以係 英國stopover (但係唔包酒店)... 或者你可以買一張 香港-倫敦 既機票, 之後再自己訂 機票/火車票/巴士票 去巴黎, 都係唔包酒店...
你可以睇下價格既分別... 國泰航空/英國航空 既package就會比較方便, 而且比你係倫敦stopover... 通常呢類package都只係貴 香港-倫敦 既機票少少... 其實你去到旅行社, 你買呢類package都可以再問旅行社有冇酒店... 因為佢地旅行社好多時包起一定數量既房, 都會買比你地呢D街客既... 不過當然會貴 酒店+機票package貴少少啦, 但係可以比你去多少少地方, flexible少少...
而如果你只買 香港-倫敦 既機票, 之後再自己買 機票/巴士票/火車價 就會最貴(如果 國泰/英航 有stopover倫敦既package)... 不過呢個方法會最flexible... 因為上面我講既package可能因為機票問題而無咁flexible... 但係你自己訂既話, 你可以自己考慮坐 飛機 定 火車(www.eurostar.co.uk) 又或者 Eurolines巴士(www.eurolines.co.uk) 去 巴黎... 通常自己再訂機票去 巴黎(www.easyjet.com www.ba.com www.flybmi.com) 都係50~60英磅左右, 而 巴士 就平至一程 7英磅起, 火車 就由60~100英磅左右...
其實用後兩者, 你如果去旅行社訂既話... 佢地都可以幫你訂酒店... 後者佢重可以幫你訂 機票/火車... 不過有機會比自己搵貴啦... 機票/火車 通常如果經旅行社訂佢會收commission, 酒店就如果住返佢旅行社歐洲團住開既, 有時會比出面平(因為佢地自己開唔夠團住晒D房)...

你同agent要求倫敦入巴黎走,或者相反,
佢會幫你搵架,
不過當然會比一個地方貴.

酒店分開book唔會好貴,
你可以上ibis網站慢慢搵,
英國d青年旅舍都ok架,
法國嘅青年旅舍就一般la.

同埋book內陸機都幾平,
我上次係由倫敦出發,
玩到馬賽坐內陸機番倫敦先番香港,
感樣會平過倫敦入巴黎走,
因為倫敦飛香港係平好多架!