D80影高光圈影白色野有ｄ問題(有圖)

多數係你既CCD入咗塵.用細光圈時就會好明顯睇到.
你可以試下自己用個唧唧睇下可唔可以吹走佢.最好係成個軟冇硬咀嗰隻,呢個方法都幾安全同埋方便.不過一定要在室內無乜風沙既地方先好搞,否則有機會越搞越多塵.
步驟係進入D80既set up menu,即係有個士巴拿符號嗰個,揀選Mirror lock up,設定做on,咁反光鏡就會打開,你就可以見到相機既sensor.跟住反轉相機向下,你就用唧唧在下面盡量吹走啲塵.向下目的係等吹甩咗既塵唔好再黐翻落sensor度.記住視線唔好離開,必定要在視線監察範圍內做,否則唧唧有機會掂到sensor就會整汚糟佢.吹完就熄機放翻塊反光柀落來.記住要有充足電力,否則清潔途中反光板打翻落來會引起意外.
跟住再影啲相睇下仲有冇事.都係唔得既話建議就俾翻Nikon維修部搞啦,如果保養期內係免費的,否則可能要二三百蚊.
如果自問身手都OK,可以試下自己搞.方法林林種種,有濕有乾.你可以睇下以下網頁,不過所有接觸式清潔方法都有風險.一唔小心部相機就真係要入廠.
http://www.eos-magazine.com/Sales%20folder/Sales/sensorcleaning.html


2009-02-06 13:40:26 補充：
Filter或者鏡頭有塵而引起這麼大的黑點機會很微.因為光線最後是聚焦在感光完件上而不是在鏡片或filter上,基本上那個塵要大到肉眼都可以輕易見到才會有影響.那個也不可以叫塵了,不信可以睇下以下的實驗.
http://mulder.nchc.org.tw/ckmax/Camra/DustInLens01.htm
回廠除塵確是最安全但也最花時間.即使保養期內不用俾錢,來回時間及車錢總要吧,仲可能有幾日冇機用.如果只要幾分鐘就搞得掂又冇乜風險點解唔自己做,就算唔識都要學識佢.

"愈高光圈影得愈清....."，應解作"越細光圈影得越清"吧，一般說大光圈是指 F1.8、F2.0、F2.8、F3.5，另說細光圈時數值是F11、F16、F22.....等。
◆ 毛病可能是鏡頭前你加上果塊Filter上的細毛塵，可自己試清潔。
◆ 如果不是Filter，那可能是你支鏡頭，試檢查尤其最前和最後鏡片上的細毛塵，可自己試清潔。
◆ 最後應是CCD上有細毛塵，最好送廠作清潔，最有用最安全。

希望資料幫到你
圖片參考：http://tw.yimg.com/i/tw/ugc/rte/smiley_1.gif