✔ 最佳答案
土瓜灣本身冇地鐵去到,一定要搭東鐵出沙田 / 九龍
再轉巴士過去。而大圍轉車係比較方便。
你先在粉嶺,搭東鐵往大圍。呢度車程 25 分鐘,
車費 $5.6。
然後,在大圍站 C 出口出站,轉右,行到去大圍街市
門口的巴士站,搭九巴 85。
土瓜灣馬頭角道落車。個度有間麥當勞,你落車後,
向你搭個架巴士的相反方向,行前幾步,就去到
工聯會工人俱樂部了。
85 大圍往土瓜灣約需 30 分鐘,車費 $5.8。
如果係九龍轉車,你可以搭東鐵去到紅磡 ($8,約 35
分鐘)。然後經紅磡站 C 出口 (中間大堂) 行出火車站
旁邊的巴士總站,搭九巴 11K 或 21。兩架車都在
欣榮花園落車。
落車後,向住巴士前進方向步行,直至行到出馬頭
圍道 (大馬路 / 馬頭圍邨),左手邊個座就係工人俱樂
部。紅磡搭 11K / 21 往土瓜灣約需 15 分鐘,車費
$4.4 (11K 有極少量非空調巴士,$3.2)。