請比較一下Canon 50D 同Nikon D90的優劣

兩個system小弟都擁有, 相比較之下, 我建議你用D90!

首先, C記係小弟心目中, 只係一間做生意為上既公司, 佢旗下既產品, 除左專業機以外, 一般都係急急推出市場, 以致大部份型號上市之後都充滿砂石, 充滿瑕疵, 而且新機上市三兩個月, 代理商經常自行割喉減價, 而且出新款速度又快! (40D面世10個月, 50D又到!) C記用家好比雷X苦主, 手上器材唔夠一年半載大幅貶值, 喊都無謂......

第二, O係實際使用時, N記明顯比C記反應快, 狠同準, N記機LCD MON清晰無比, 翻睇相片更清楚, 而C記機就算配合高班L鏡, LCD一樣朦查查, 要返屋企PLUG上PC至知有冇OUT FO!!! 甚至夜晚影夜景人像, C記機就好似發雞盲, 對焦能力大幅下降, 反之N記無論幾暗, 兩三秒內一定對到焦, 仲百發百中!!!

50D推出市場之後, 不斷遭C記用家評擊只係夾硬谷大像素, 草草推出黎爭食頭啖湯, 與其哂錢買50D, 不如用返40D云云!!!

至於N記, 自從D80推出, 不少用家被其強勁性能同相宜價錢吸引, 紛紛"轉會", 數年後D90推出, D90比D80更強, 反應更快; 但係缺點係拍攝短片最長只有5分鐘, 而且拍攝短片時對焦能力大減, 不過唔係太需要呢種功能的話, 影響冇咁大!

你本身身邊有無朋友影開相? 因為要知道一部相機事少, 鏡頭配件等事大, 若果身邊有朋友影開相, 而佢地本身又係N或C記的用家的話, 倒不如大家一齊圍威喂開心D~

況且大家都係同一代產品, 性能分別唔會話差好遠,
當中D90有拍短片功能, 但同樣, 小弟認為相機還是主力為拍攝好D

其實要問這兩部機邊部好D, 倒不如問問你喜歡那一個system的相片風格多D, 可上網看看不同機的相片才決定~

一入一個門派, 當想轉就好大工程, 所以真的要想清楚 ;)

若果有問題, 歡迎email問我 ;)

[email protected]